खेलकुद

वाट्सनको धमाकेदार ब्याटिङले आइपीएल विजेता बन्यो धोनीको चेन्नई
SHARES

जित्यो २० करोड रुपैयाँ

जेठ १३, २०७५

    इन्डियन प्रिमियर लिग (आइपीएल) २०१८ को उपाधि महेन्द्रसिंह धोनीको टिम चेन्नई सुपर किंग्सले जितेको छ। यो जितसँगै चेन्नईले २० करोड रुपैयाँ जितेको छ।

    फाइनलमा सनराइजर्स हैदरावादले दिएको १७९ रनको लक्ष्य २ विकेटको क्षतिमा चेन्नईले १८.३ ओभरमा पूरा गरेको थियो। उक्त लक्ष्य पछ्याउने क्रममा चेन्नईका सेन वाट्सनले धमाकेदार पारी खेलेका थिए। उनले नटआउट ५७ बलमा ११७ रन बटुलेका थिए। त्यस्तै अम्बाती रायुडूले पनि नटआउट १७ रन बनाए। चेन्नईका वाट्सनका सामू हैदरावादका धुरन्धर बलरले घुँडा टेकेका थिए।

    चेन्नईका सुरैश रैना ३२, फाप डू प्लेसिस १० र रन बनाएर आउट भएका थिए। हैदरावादका लागि भने सन्दीप शर्मा र कार्लोस ब्रेथवेटले एकएक विकेट मात्र लिन सके। अफगानिस्तानका बलर जसले आइपीएलमा हैदरावादका लागि यसअघिका खेलमा धमाका बलिङ गरेका थिए फाइनलमा धोनीको चेन्नईसामू भने जादू देखाउन सकेनन्।

    मुम्बईको वनखडे स्टेडियममा टस हारेर पहिले ब्याटिङको निम्तो पाएको हैदरावादले ६ विकेटको क्षतिमा १७८ रन बनाएको थियो। हैदरावादका लागि कप्तान केन विलियम्सनले ४७ र युसुफ पठानले ४५ रन बनाएका थिए। त्यस्तै शिखर धवनले २६, शकिव अल हसनले २३ र कार्लोस ब्रेथवेटले २१ रन बनाएका थिए।

    चेन्नईका लागि लुंगी निगिदी, शार्दुल ठाकुर, कर्ण शर्मा, ब्राभो र रवीन्द्र जडेजाले एक-एक विकेट लिएका थिए।

    आइपीएल २०१८ मा पहिलोपटक नेपाली खेलाडीले सहभागीता जनाउने मौका पाएका थिए। नेपालबाट लेग स्पिनर सन्दीप लामिछानेले दिल्ली डेयरडेभिल्सबाट खेलेका थिए। दिल्लीबाट तीन खेल खेल्ने मौका पाएका सन्दीपले तीनवटै खेलमा उत्कृष्ट बलिङ गरेका थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]