विश्व

ट्रम्पसँग शिखर वार्ता गर्न सिंगापुर पुगे किम जोङ उन
SHARES

जेठ २७, २०७५

    उत्तर कोरियाका सर्वोच्च नेता किम जोङ उन अमेरिकी राष्ट्रपति डोनाल्ड ट्रम्पसँग हुने शिखर वार्तामा सहभागी हुन सिंगापुर पुगेका छन्।

    सिंगापुरको सेन्तोसा रिसोर्टमा मंगलबार आयोजना हुन लागेको ऐतिहासिक शिखर वार्तामा सहभागी हुन किम जोङ उन सिंगापुर पुगेका हुन्।

    किम ह्वाइटहाउसमा कार्यरत अमेरिकी राष्ट्रपतिलाई भेट्ने पहिलो उत्तर कोरियाली सर्वोच्च नेता हुनेछन्।

    किमसँग छलफलमा सहभागी हुन सिंगापुर उड्नुअघि ट्रम्पले शान्तिका लागि पहल गर्न लागेको बताए। उनले सही रुपमा गोप्य ठाउँमा शान्तिका लागि वार्ता हुन लागेको बताए। ट्रम्प पनि आजै सिंगापुर पुग्ने कार्यक्रम रहेको छ।

    सिंगापुरका विदेशमन्त्री भिभियन बालाकृष्णनले उत्तर कोरियाली सर्वोच्च नेता किम जोङ उन सिंगापुर पुगेको सामाजिक सञ्जाल ट्विटरमार्फत जानकारी दिएका छन्।

    ह्वाइट हाउसले यो शिखर सम्मेलनबाट कोरियाली प्रायद्वीपलाई परमाणू हतियार मुक्त क्षेत्र बनाउनेमा राम्रो सुरुवात हुने विश्वास लिएको बीबीसीले लेखेको छ।

    किम र ट्रम्पबीच पछिल्लो डेढ वर्ष निक्कै उतारचावपूर्ण सम्बन्ध रहेको थियो। उनीहरूले एकअर्कालाई हेप्ने र चेतावनी एवं धम्की दिने गरेका थिए।

    सम्मेलन पूर्व दुवै नेताले सिंगापुरका प्रधानमन्त्री ली हसिन लूङलाई भेट्ने कार्यक्रम रहेको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]