समाज : सुरक्षा/अपराध

प्रहरी र गुन्डा नाइके अशोक लामाबीच गोली हानाहान
SHARES

घाइते लामाको वीर अस्पतालमा उपचार हुँदै

अशोक लामा
जेठ २८, २०७५

    काठमाडौं : ललितपुरको युएन पार्कमा प्रहरी र गुन्डा नाइके भनिएका अशोक लामाबीच गोली हानाहान भएको छ। 

    सोमबार दिउँसो करिब सवा १ बजे भएको गोली हानाहानमा लामा घाइते भएका छन्। लामाले अपराध महाशाखाबाट खटिएका प्रहरीमाथि गोली चलाएपछि दोहोरो गोली हानाहान भएको एसएसपी धिरजप्रताप सिंहले जानकारी दिए। लामाको अहिले वीर अस्पतालमा उपचार भइरहेको प्रहरीले बताएको छ। उनको दायाँ खुट्टामा गोली लागेको छ।

    लामाको साथबाट एक कटुवा पेस्तोल र त्यसमा लाग्ने दुई राउन्ड गोली बरामद गरिएको अपराध महाशाखाका एसपी नरेन्द्रप्रसाद उप्रेतीले जानकारी दिए। प्रहरीका अनुसार  लामाले पछिल्लो समय व्यापारीलाई धम्क्याएर पैसा असुल्दै आएका थिए। उनको लगानी क्यासिनोमा मिटरब्याजमा पैसा लगाउने पनि रहेको बताइएको छ।

    लामालाई विभिन्न हत्या प्रयासमा तथा फिरौतीमा पनि संलग्न रहेको अभियोग लागेको छ। उनी यसअघि दुईपटक पक्राउ परेर छुटेका थिए।

कृष्णसिंह लोथ्याल

लोथ्याल सुरक्षा तथा अपराधसम्बन्धी रिपोर्टिङ गर्नुका साथै फिचर लेखनमा रुचि राख्‍छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]