समाज

जनता आवास कार्यक्रमअन्तर्गत ६ वटा घर निर्माण
SHARES

असार ५, २०७५

    सिन्धुली  : जनता आवास कार्यक्रमअन्तर्गत सिन्धुलीको दुधौली नगरपालिकाको मुसहर बस्तीमा ६ वटा घर निर्माण गरिएको छ। आवासविहीन सिमान्तकृत, दलित र विपन्न मुस्लिम समुुदायलाई बसोवासका लागि आवास उपलब्ध गराउने उद्देश्यसहित सञ्चालनमा ल्याइएको ‘जनता आवास कार्यक्रम’ अन्तर्गत दुधौली नगरपालिका ९ को मुसहर बस्तीमा यस आर्थिक वर्षमा उक्त घरहरू निर्माण गरिएको हो। 

    जनता आवास कार्यक्रमअन्तर्गत मुसहरबस्तीका विल्टु सदा, सनिया मुसहर, रितलाल सदा, रमनी सदा, डब्कु सदा र रामबृद्ध सदाको घर निर्माण गरिएको सहरी विकास तथा भवन निर्माण विभाग डिभिजन कार्यालय सिन्धुलीले जनाएको छ। जनता आवास कार्यक्रम समन्वयन समिति सिन्धुलीले दुधौली नगरपालिका ९ को मुसहरबस्ती, कमलामाई नगरपालिका १ डाडी गुराँसेका हायु बस्ती र साविक बाशेश्वर गाविसको सार्की दलित बस्तीमा कार्यक्रम संचालनका लागि अध्ययन, अवलोकन गरेको थियो। 

    जनता आवास कार्यक्रम कार्यान्वयन कार्यविधि २०७३ का आधारमा समितिले अध्ययन, अवलोकन गरेका तीन स्थान मध्ये दुधौली नगरपालिका ९ को मुसहर बस्तीमा अधिकांश मुसहर, अति विपन्न, गाउँ बल्कमा बसोबास गरेका, फुसको छाना, माटा टाटीको घेरा बेरा र अव्यवस्थित बसोबास क्षेत्र भएकाले मुसहर बस्तीलाई छनोट गरी घरहरू निर्माण गरिएको सहरी विकास तथा भवन निर्माण विभाग डिभिजन कार्यालय सिन्धुलीका ईन्जिनियर दुर्गाप्रसाद घिमिरेले जानकारी दिए। 

    दुधौली नगरपालिकाले सडक, खानेपानी र शौचालय व्यवस्थापन गर्ने, विपन्न परिवारको १० प्रतिशत श्रमदान र सरकारको ३ लाख ३२ हजार ५०० का दरले ६ वटा घर निर्माण गरिएको ईन्जिनियर घिमिरेले बताए। जनता आवासअन्तर्गत ५० वटा घरहरू निर्माणका लागि सिन्धुलीमा १ करोड २३ लाख रुपैयाँ बराबरको रकम सरकारले विनियोजन गरेको छ। यस आर्थिक वर्षमा निर्माण गरिएको ६ वटा घरबाहेक अझै ४४ वटा घरहरू निर्माण गर्न बाँकी रहेका छन्। बाँकी घरहरू आगामी आर्थिक वर्षमा निर्माण गरिने इन्जिनियर घिमिरेले बताए। 


     

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]