सदा झै, क्रोएसियाको खेल छनोट चरणअघि निकै खस्केको थियो। लगातार प्रशिक्षकहरू परिवर्तन भइरहे। जब छनोट चरणको अन्तिम तथा निर्णायक खेलको दुई दिनअघि जाट्को डेलिक प्रशिक्षकका रूपमा नियुक्त भए तथा त्यही नै क्रोयसियाका लागि सही निर्णय सावित भयो।
प्लेअफमा ग्रीसलाई हराउँदै क्रोयसिया विश्वकपमा फेरि एक पटक रोमान्चक खेल पस्कन पनि तयार बन्यो। ३२ वर्षीय लुका मोड्रिक मात्र होइन अधिकांश २९ वर्षभन्दा बढी उमेरका खेलाडीले यो विश्वकपमा क्रोयसियाका लागि खेल्दैछन्।
सन् १९९८ मा तेस्रो बनेको क्रोयसियामा झै अहिले टोली शसक्त भने अवश्य छैन। तर सधैं ‘डार्क हर्स’ का रूपमा हेरिने टोलीबाट अन्य ठूला टोली स्तब्ध नबन्लान् भन्न भने सकिँदैन।
कसरी छनोट : युरोपेली समूह आइ मा दोस्रो हुँदै प्लेअफमा ग्रीसलाई पराजित गरेको।
खेल्ने शैली : ४–२–३–१
स्टार खेलाडी : लुका मोड्रिक (रियल म्याड्रिड)
पच्छाउनुपर्ने खेलाडी : निकोल भ्लासिक (एभर्टन)
प्रशिक्षक : जाट्को डेलिक
उपाधिको सम्भावना : २५–१
तपाईंको ईमेल गोप्य राखिनेछ ।