काठमाडौं : धरहरा निर्माणका लागि छवटा नेपाली निर्माण कम्पनीले आवेदन दिएका छन्। पुर्ननिर्माण प्राधिकरणले धरहरा निर्माणका लागि आव्हान गरेको इ-टेण्डरमा छवटा नेपाली कम्पनीले आवेदन दिएका हुन्।
त्यसैगरी छवटै चिनियाँ कम्पनीको पनि आदेवन परेको छ। नेपाली र चिनियाँ कम्पनीको संयुक्त साझेदारीमा निर्माण गर्न लागिएको धरहरा निर्माणका लागि ज्वाइन्ट भेन्चरमा निर्माण गर्ने गरी ६/६ वटा नेपाली र चिनियाँ कम्पनीको आवेदन परेको सम्पदा संरक्षण , सार्वजनिक भवन तथा पूर्वाधार महाशाखाको सहसचिव राजुमान मानन्धरले जानकारी दिए।
आवेदन दिएका सबै कम्पनीको मूल्यांकनपछि सम्बन्धित कम्पनीलाई जानकारी गराएर एकसातापछि इ-टेण्टर खोलिने पनि उनले जानकारी दिए।
लिफ्टसहितको २२ तले धरहरा बनाउनका लागि प्राधिकरणले आव्हान गरेको इ-टेण्डरको समय बिहीबार सकिएको छ। रसुवा, कालिका कन्स्ट्रक्सनले संयुक्त रूपमा दरखास्त हालेका छन्।
त्यसैगरी आशिष निर्माण , रमण र ब्राउन लगायतका कम्पनीले धरहरा निर्माणका लागि आवेदन दिएका हुन्। प्राधिकरणले असार मसान्तभित्र धरहरा निर्माणका लागि शिलन्यास गर्ने गरि द्रुत गतिमा काम अघि बढाइएको जनाएको छ।
तपाईंको ईमेल गोप्य राखिनेछ ।