थाइल्याण्डमा आएको बाढीपछि विगत १५ दिनभन्दा बढी गुफामा फसेका १२ जना बालकहरू तथा उनीहरूका खेल प्रशिक्षकमध्ये छ जनाको सकुशल उद्धार गरिएको अधिकारीले बताएका छन्।
सुरूमा दुई बालक चार किलोमिटर लामो गुफालाई छिचोल्दै उद्धारकर्ताको सहयोगमा बाहिर आएका थिए। त्यसपछि अन्य चार जनालाई गुफाबाट बाहिर आउन सफल भएका थिए।
उनीहरू सबैलाई उपचारका लागि अस्पताल पठाइएको छ। 'छ वालकको उद्धार गरिएको छ, उनीहरूको नाम तत्काल सार्वजनिक गर्दा बाँकी अभिभावकमा चिन्ता बढ्न सक्ने भन्दै सबैजनाको उद्धार भएपछि नाम सार्वजनिक गरिनेछ', रक्षा मन्त्रालयका एक अधिकारीले एएफपीलाई बताए ।
बाँकी बालक तथा प्रशिक्षकलाई पनि क्रमश: उद्धार गरिने मन्त्रालयले जनाएको छ।
तपाईंको ईमेल गोप्य राखिनेछ ।