अर्थ

ओखलढुंगाको खिजीदेम्वा गाउँपालिकामा मेगा बैंक
SHARES

असार २६, २०७५

    ओखलढुंगा : ओखलढुंगाको खिजीदेम्वा गाउँपालिकामा मेगा बैंकले आफ्नो सेवा विस्तार गरेको छ। जिल्लाकै दुर्गम तथा विकट क्षेत्र भनेर  चिनिने गाउँपालिकामा मेगा बैकले आफ्नो सेवा विस्तार गरेको हो। खिजीदेम्वामा सरकारी कामकाजको समेत अख्तियारी पाएको बैंकको शाखा मंगलबार उद्घाटन गरिएको छ।

    ग्रामीण क्षेत्रका ग्राहकहरुलाई सहज रूपमा बैंकिङ्ग सेवा पुर्‍याउने उद्देश्यले शाखा विस्तार गरिएको बैंक मेनेजर सुमन रिजाल जानकारी दिए।  ‘क’ वर्गको मान्यता प्राप्त मेगा बैकले आफ्नो १०५ औं शाखाका रूपमा खिजीदेम्वा गाउँपालिकाको केन्द्र खिजीफलाटे बजारमा विस्तार गरेको हो। शाखाबाट अबका दिनमा खिजीदेम्वामा हुने सबै कारोवार बैंकले जनाएको छ। 

    ओखलढुंगामा स्थानीय तहमा काम गर्ने गरी शाखा विस्तार गर्ने मेगा बैक दोश्रो बैंक हो भने यस अघि मोलुंग गाउँपालिकामा सनसाईज बैकले आफ्नो शाखा विस्तार गरेको थियो। जिल्लाका लिखु, चम्पादेवी, सुनकोशी र चिशंखुगढीमा अझै बैक नहुँदा स्थानीयहरूले सास्ती खेपिरहेका छन्।

    ओखलढुंगाका आठ स्थानीय तहमध्ये यसअघि सिद्धिचरण नगरपालिका र मानेभञ्ज्यांग गाउँपालिकामा मात्रै वाणिज्य बैंकका शाखा रहेका थिए। अन्य स्थानीय तहमा अझै बैंकका शाखा स्थापना भएका छैनन्। खिजीदेम्वामा बैंकको शाखा स्थापना भएपछि अब सबै कारोबार गाउँपालिकाको केन्द्रबाट हुने भएकाले सहज भएको गाउँपालिकाका अध्यक्ष बेदबहादुर रोकाले बताए। यसअघि बैंक नहुँदा ससना कारोबार गर्न पनि तीन दिन लगाएर सदरमुकाम धाउनु पर्ने खिजीदेम्वा बासीको बाध्यता थियो।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]