राजनीति

गुणस्तरीय मल उत्पादनका लागि कृषकलाई अनुदानको घोषणा
SHARES

फाइल फाेटाे
असार २८, २०७५

    काठमाडौं : सरकारले गुणस्तरीय मल उत्पादनका लागि कृषकहरूलाई अनुदान दिने घोषणा गरेको छ।

    कृषि, भूमि व्यवस्था तथा सहकारीमन्त्री चक्रपाणि खनालले गुणस्तरीय मल उत्पादनका लागि कृषकहरूलाई अनुदान दिने घोषणा गरेका हुन्। उनले जैविक खेतीको उत्थानका लागि विषादी नियन्त्रण गर्न आवश्यक योजना बनाउने प्रतिवद्धता पनि व्यक्त गरेका थिए। मन्त्री खनालले विभिन्न मुलुकबाट नेपालमा आयात भइरहेको मलको गुणस्तर चेकजाँचका लागि आवश्यक प्रविधिको विकासमा पनि सरकारले जोड दिने नीति लिएको बताए।

    बिहीबार काठमाडौंमा आयोजित ‘नेपालमा जैविक खेती’ विषयक अन्तरक्रिया कार्यक्रममा बोल्दै उनले नेपालमा जैविक खेतीको उत्थानका लागि कर्णाली प्रदेशलाई मुख्य केन्द्र बनाएर सरकारले विभिन्न अभियान संचालन गर्ने योजना पनि अघि सारेका थिए। मन्त्री खनालले रासायनिक मलको आयातमा रोकावट गरेर अघि बढे नेपालमा जैविक खेतीले ठूलो लाभ दिने पनि स्मरण गराए।

    मन्त्री खनालले नेपालमा कृषि उत्पादन बढाउन कृषीमा लगानी बढाउनुपर्ने बताए। नेपालमा हाल कृषि क्षेत्रमा कूल बजेटको २ दशमलव ९ प्रतिशत मात्रै लगानी हुने गरेको छ। मन्त्री खनालले सरकारले कृषि उत्पादन बढाउन लगानीमा बढाउँदै लैजाने नीति लिएको पनि बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]