समाज

कानुन निर्माणको ढिलाइले स्थानीय तहमा समस्या : सभाध्यक्ष तिमिल्सिना
SHARES

असार २८, २०७५

    पर्वत : राष्ट्रिय सभाका अध्यक्ष गणेशप्रसाद तिमिल्सिनाले संविधानमा उल्लेख गरिएका हकहरूको कार्यान्वयनका लागि संघीय सरकारले कानुन बनाउन नसक्दा प्रदेश र स्थानीय सरकार सञ्‍चालनमा समस्या भएको बताएका छन्। 

    पर्वतको मोदी गाउँपालिकास्थित पातिचौर-मैदान-लप्सीबोट सडकको शुभारम्भ कार्यक्रममा बोल्दै तिमिल्सिनाले संघीय सरकारले आवश्यक कानुनको निर्माण गर्न नसक्दा प्रदेश सरकारर स्थानीय सरकारले गर्ने काम कारवाही प्रभावित भएको उल्लेख गरे। संविधानले व्यवस्था गरेका हकहरूलाई कानुनमा उतार्न महत्पूर्ण भएकाले आगामी दिनमा केन्द्र सरकार त्यो दिशामा सभाध्यक्ष तिमिल्सिनाको भनाई छ। संविधानमा सबै व्यवस्था गरिएको भए पनि संविधानमा भएका कुराहरूलाई कार्यान्वयनमा लैजाने विषय चुनौतिपूर्ण रहेको उनको ठहर छ।

    अध्यक्ष तिमिल्सिनाले संविधानमा लेखिएका कुराहरूको कार्यान्वयन गरी व्यवहारबाट रुपान्तरण गर्नका लागि राष्ट्र समृद्ध हुन जरुरी रहेको बताउँदै देशलाई समृद्ध बनाउन तिनै तहका सरकार आ आफ्नो ठाउँबाट काम गर्नुपर्नेमा जोड दिए। उनले विकास नै राज्यको पहिलो प्राथमिकता भएकाले विकास निर्माणका कार्यमा सबैले हातेमालो गरेर अगाडि बढ्नुपर्ने समेत बताएका छन्।

    विगतका समयमा विकास निर्माणका कार्यमा अनावश्यक खिचातानीले देश पछाडि परेको बताउँदै राष्ट्रिय सभाका अध्यक्ष तिमिल्सिनाले समृद्धिको दिशामा अगाडि बढ्न सबैको हातेमालो आवश्यक पर्ने बताए।

संजय रेग्मी

रेग्मी थाहाखबरका पर्वत जिल्ला संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]