उज्वल शिशु निकेतन एकेडेमी (यूएसएनए)ले अन्तर कलेज इन्डोर क्रिकेटको उपाधि जितेको छ। नेक्सट जेनेरेसन इभेन्टद्वारा आयोजित प्रतियोगितामा यूएसएनले नेपाल क्रिकेट स्कुल (एनसीएस)लाई ५४ रनले हराउँदै उपाधि जितेको हो । विजेता यूएसएनएले नगद ५० हजार प्राप्त गर्यो भने उपविजेता बनेको एनसीएसले २५ हजार प्राप्त गर्यो ।
३१ असारमा सुरु भएको प्रतियोगिता लिगकम नकआउटका आधारमा खेलाइएको थियो । १६ टिम सहभागीमध्ये नकआउटमा चार टिम पुगेका थिए। अन्तिम चारमा पुग्ने टिमहरूमा ग्रेट हिमायलन क्रिकेट एकेडेमी, ह्वाइहाउस, एनसिएस तथा यूएसएनए रहेका थिए ।
फाइनलमा यूएसएनएले टस हारेर पहिलो ब्याटिङ गर्दै निर्धारित १० ओभरमा चार विकेट गुमाएर ९१ रन बनायो । उसका लागि रविन जोशीले सर्वाधिक ४९ रन बनाएका थिए । जवाफमा एनसीएस पाँच ओभर तीन बलमा नै ३७ रनमा अलआउट भयो । जितेन्द्रसिंह ठकुरी प्लेयर अफ द टुर्नामेन्ट भए। नरेश बुढा उत्कृष्ट ब्याट्सम्यान एेर तथा नविन यादव उत्कृष्ट बलर घोषित भए। यसरी नै वेस्ट इमर्जिङ प्लेयर मिलन ओझा बने!
तपाईंको ईमेल गोप्य राखिनेछ ।