समाज

साढे पच्चीस लाख लुटपाटमा संलग्न दुई पक्राउ
SHARES

भदौ १, २०७५

    लहान : मनि ट्रान्सफरका लागि लहानस्थित ग्लोवल आइएमई बैंकबाट झिकिएको २५ लाख ६० हजार रुपैयाँ लुटपाटमा संलग्न रहेको आरोपमा प्रहरीले दुई युवकलाई पक्राउ गरेको छ। 

    पक्राउ पर्नेहरूमा सिरहाको सिरहा नगरपालिका १४ का २२ वर्षीय कमलेशकुमार मण्डल र विष्णुपुर गाउँपालिका २ राजपुरका २५ वर्षीय महेशकुमार यादव रहेको जिल्ला प्रहरी कार्यालय सिरहाले जनाएको छ। पक्राउ परेका मण्डल र यादवलाई डाका मुद्दामा अदालतबाट शुक्रबार म्याद थप गरी अनुन्धानका लागि थुनामा राखिएको प्रहरीले जनाएको छ। 

    कसरी लुटियो रकम?

    सिरहाको कल्याणपुर नगरपालिका ११ कल्याणपुर जब्दीमा आफैले संचालन गरेको मनि ट्रान्सफरका लागि झिकिएको रकम पछिल्लो साउन २४ गते मध्यान्ह लुटिएको थियो। लहानबाट रकम झिकेर मोटरसाइकलमा कल्याणपुर फर्किने क्रममा राजाराम साह मिर्चैया-३ स्थित राघोपुर सडक खण्डमा लुटिएका थिए।

     बैंकबाट रकम झिकेर ज. ६ प ८१८५ नम्वरको मोटरसाइकलमा फर्किने क्रममा मिर्चैया ३ तीनगछिया पुगेपछि दुईवटा मोटरसाइकलमा मुख छोपेर आएको चार जनाको समूहले घेरा हालेर रकम लुटपाट गरी पश्चिमतिर भागेको थियो। त्यसपछि प्रहरीले अनुसन्धानको क्रममा शंकास्पद व्यक्तिलाई नियन्त्रणमा लिई छानविन गरेपछि मण्डल र यादवको संलग्नता रहेको खुलेपछि बिहीबार पक्राउ गरिएको प्रहरीले जनाएको छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]