लहान : कमला नदीमा डुबेर बेपत्ता भएका दुई किशोरको शव फेला परेको छ। गोलबजार नगरपालिका–४ का १५ वर्षीय मञ्जय महरा र १४ वर्षीय राहुल राउतको शव सोमबार फेला परेको हो।
सिरहा औरही गाउँपालिका तुलसीपुरका १४ वर्षीय कृष्ण महतोको शव आइतबार नै फेला फेला परेको थियो। सिरहाको गोलबजारस्थित शिव मन्दिरमा चढाउनका लागि जल लिन कमला नदीको उत्राइनी पुगेका तीनै जना आइतबार डुबेर बेपत्ता भएका थिए।
नेपाल प्रहरी, सशस्त्र प्रहरी र नेपाली सेनाको टोलीले खोजी गर्ने क्रममा महराको शव भारतीय सीमा क्षेत्रको बजार जयनगर नजिक तथा राउतको शव कर्जन्हा नगरपालिका–७ कमला नदी किनारमा फेला परेको प्रहरी नायब उपरीक्षक माधवराज खरेलले जानकारी दिए।
तपाईंको ईमेल गोप्य राखिनेछ ।