स्वास्थ्य

स्वाइनफ्लु सप्तरीमा 'माइकिङ' उदयपरमा
SHARES

भदौ २९, २०७५

    उदयपुरः सप्तरीमा स्वाइनफ्लुका बिरामी भेटिएपछि उदयपुरमा सचेतनाको लागि माइकिङ सुरु गरिएको छ। सप्तरी जिल्लाको रुपकन्चन नगरपालिका र हनुमान नगरपालिकामा स्वाइनफ्लुका विरामी भेटिएपछि उदयपुरको सीमवर्ती चौदण्डीगढी नगरपालिकामा माइकिङ सुरु गरिएको हो।

    चौदण्डीगढी नगरपालिका ५ सुन्दरपुरलगायतका क्षेत्रमा माइकिङ गरी स्वाइफ्लुको बारेमा सचेतना जगाउन थालिएको छ। ‘उदयपुरमा पनि स्वाइनफ्लुको भाइरस सर्न सक्ने खतरा छ,’ चौदण्डी नगरपालिका ५ का वडा अध्यक्ष देवनारायण चौधरीले भने, ‘सप्तरीसँग सीमा जाोडिएका स्थानमा स्वाइफुलुबाट बच्नको लागि माइकिङमार्फत् सर्तक हुन आग्रह गरिएको हो।’

    जिल्ला जनस्वास्थ कार्यालय उदयपुर र चौदण्डी नगरपालिकाको स्वास्थ इकाइको बैठक राखेर सचेतना जगाउन थालिएको वडा अध्यक्ष चौधरीको भानइ छ। ‘नगरपालिकाको वडा विपद् व्यवस्थापन समितिको बैठक बसेर संकमणबाट उदयपुरलाई जोगाउन सचेतनामूलक कार्यक्रम गरिरहेका छौँ, चौधरीले भने।

    चौदण्डीगढी नगरपालिका ५ सप्तरीको फत्तेपुर बजारसँग जोडिएको वडा हो। वडा विपत्त व्यवस्थापन समितिले वडा भरिका सबै स्थानीयलाई सचेत गराउन माइकिङ गर्ने, सप्तरी र उदयपुरको सिमानामा हेल्पडेक्स राखी स्वाइफ्लुबाट बच्ने उपायको जानकारी दिन थालिएको स्थानीयले बताएका छन्।

    उदयपुरको सुन्दरपुरबाट सप्तरीतिर जाने र आउने स्थानीयलाई एकएकवटा माक्स निः शुल्क उपलब्ध गराउने, वडाको स्वास्थ्य इकाइ, इलाका प्रहरी कार्यालय सुन्दरपुर र वडा जनप्रतिनिधिको टोलीले सचेतना जगाउन थालिएको छ।

    जिल्ला जनस्वास्थ्य कार्यालय उदयपुरका निमित्त प्रमुख दुनियाला यादवले उदयपुरको छिमेकी जिल्ला सप्तरीमा स्वाइफ्लुका बिरामी भेटिएपछि उदयपुरमा उच्च सर्तकता अपनाउने पर्ने बेला आएको बताए। ‘सप्तरी जिल्लाको रुपकन्चन नगरपालिका र हनुमान नगरिपालिकामा केही बालबालिकाको अज्ञात रोगले मृत्यु भएछ,’ उनले भने, ‘पछि केही बिरामी परेका बालबालिकालाई परीक्षण गर्दा स्वाइनफ्लु भेटिएको छ, त्यो उदयपुरमा सर्न नदिने उपायको खोजी गरेर स्थानीय तहसँग मिलेर सचेतना कार्यक्रम सुरु गरेका छौँ।’

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]