समाज : सुरक्षा/अपराध

स्याङ्जाका कुँवर पर्सामा लागुऔषधसहित पक्राउ
SHARES

असोज ३, २०७५

    पर्सा : भारतबाट अवैध लागुऔषध लिएर नेपाल आउँदै गरेका स्याङ्जाका एक युवा पर्सामा पक्राउ परेका छन्। भारतको रक्सौलबाट पर्सा स्थित वीरगन्ज भंसारको बाटो भई नेपाल आउँदै गरेको अवस्थामा ती युवा पर्सामा पक्राउ परेका हुन्। 

    ड्यूटिमा खटिएको राजश्व तथा भंसार गस्ती गुल्मको टोलीले शंका लागि चेकजाँच गर्ने क्रममा वीरगन्ज भंसार एरियाबाट ७५ थान तयारी अवस्थाको अवैध लागुऔषधसहित उनलाई पक्राउ गरिएको राजश्व तथा भन्सार गस्ती गुल्मका गुल्मपति तिलक बहादुर खड्काले बताए। पक्राउ पर्ने युवा स्याङजा जिल्ला पुतलीबजार नगरपालिका–२ देविमानका ३८ वर्षीय दिपक कुँवर रहेछन् उनले भने।

    कुँवरले झोलामा लुकाई छिपाई मुख्य भन्सारको बाटो प्रयोग गरी तयारी अवस्थाको डाइजोल्याव २५ थान, नोर्फिन २५ थान र फेनार्गन २५ थान गरी जम्मा ७५ थान ल्याएका रहेछन्। त्यो अवैध लागुऔषध र अभियुक्त कुँवरलाई राजस्व तथा भन्सार गस्ती गुल्मको शसस्त्र प्रहरी टोली नियन्त्रणमा लिई थप अनुसन्धानको लागि नेपाल प्रहरीको ईलाका प्रहरी कार्यालय इनर्वाको जिम्मा लगाइएको शसस्त्र प्रहरी नायब उपरिक्षक तथा गुल्मपति खड्काले बताए। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]