काभ्रेपलाञ्चोक : बिपी राजमार्गअन्तर्गत रोशी गाउँपालिका–११ कालढुंगामा सोमबार बिहान भएको सवारी दुर्घटनामा एक जनाको मुत्यु भएको प्रहरीले जनाएको छ।
काठमाडौंबाट पूर्वतर्फ गइरहेको बा ७५ प १९४९ नम्बरको स्टुकर र विपरीत दिशाबाट आइरहेको बिआर ३२ जे ३४७५ नम्बरको स्कारपियो आपसमा ठोकिँदा घाइते भएका स्कुटर चालक दोलखा जिल्ला शैलुङ गाउँपलिका–७ बस्ने ३५ वर्षीय सोनाम लामाको धुलिखेल अस्पतालमा उपचारको क्रममा मृत्यु भएको जिल्ला प्रहरी कार्यालयका प्रहरी नायव उपरीक्षक दीपक गिरीले बताए। सो मोटरसाइलका सवार रहेको लामाको श्रीमती ३० वर्षीया विमला लामा र बर्ष १२ का छोरा मनिष लामा गम्भीर घाइते भएकाले धुलिखेल अस्पतालमा उपचारपश्चात थप उपचारको लागि थापाथलिस्थित नर्भिक अस्पतालमा पठाइएको गिरीले बताए।
प्रहरी नायव उपरीक्षक गिरीका अनुसार स्कारपियो इलाका प्रहरी कार्यालय मंगलटारको नियन्त्रणमा रहेको छ। घटना घटेपछि आक्रोशित भीडले हातपात गरेका कारण चालक जनकपुर उप–महानगरपालिका–४ का विक्रु ठाकुर सामान्य घाइते भएकाले उपचारपश्चात् थप अनुसन्धानको लागि प्रहरीले नियन्त्रणमा लिएको जनाएको छ।
तपाईंको ईमेल गोप्य राखिनेछ ।