समाज

कोलकातामा पनि नेपालीले भित्र्याए फूलपाती
SHARES

असोज ३०, २०७५

    काठमाडौं : गोरखनाथ सेवा समिति कोलकाताको आयोजनामा मंगलबार नवदुर्गा प्रतिमास्थलमा फूलपाती भित्र्याइएको छ।

    न्यू मार्केट, कोलकातामा घटस्थापनाका दिन स्थापना गरिएको दुर्गाको मूर्तिमा नेपाली हिन्दूहरुले फूलपाती भित्र्याएका हुन्। समितिले प्रकाशन गरेको ‘मौलो’ पत्रिकाको पनि आजै विमोचन गरियो । समितिका अध्यक्ष चन्द्रबहादुर श्रेष्ठ, महासचिव नरविक्रम थापा, संयुक्त सचिव होमबहादुर राना, अतिथि सचिव शुकदेव प्रधान, सांस्कृतिक सचिव आशा उपाध्याय, सहसचिव देवात्री थापा, प्रचारप्रसार सचिव रामायणप्रसाद धमला र सहसचिव रामप्रसाद उपाध्याय बराल, आयोजना समितिका संयोजक भीमबहादुर श्रेष्ठ, कोलकातास्थित महावाणिज्यदूतको कार्यालयका नायब महावाणिज्यदूत रामेश्वर पोखरेल, नेपाल पारवहन तथा गोदाम कम्पनी लिमिटेडका कार्यालयका विशेष अधिकृत लक्ष्मण खड्कालगायतको सहभागितामा फूलपाती भित्र्याइएको सांस्कृतिक विभाग निर्देशक बद्रीविक्रम थापाले जानकारी दिए।

    यसै अवसरमा नेपालीहरुको विविध सांस्कृतिक पहिचान झल्किने सांस्कृतिक कार्यक्रम पनि प्रस्तुत गरियो। कार्यक्रममा नेपाल भारत जनसांस्कृतिक मञ्च, संयुक्त नेपाली केन्द्रीय सेवा संघ, नेपाली जनसम्पर्क समिति भारत, संयुक्त नेपाली वेलफेयर ट्रस्ट, नेपाली जनकल्याण समिति हावडा, सत्यवती नेपाली धार्मिक समिति, जगत सुधार बौद्ध समिति, श्रीश्री जानकी माता धार्मिक सङ्घ, प्रवासी नेपाली समाज सेवा सङ्घका पदाधिकारी, कोलकातास्थित विभिन्न नेपाली सङ्घसंस्थाका पदाधिकारी तथा प्रतिनिधि एवं कोलकाता क्षेत्रमा बस्ने नेपाली समुदायको सहभागिता थियो।

    सो अवसरमा दीनदुःखीलाई साडी, चोलो, धोतीलगायत कपडा प्रदान गरिएको थियो। नेपालीहरुले ३० वर्षदेखि बडादशैँका अवसरमा दुर्गाको मूर्ति स्थापना गरी सामूहिक रुपमा पूजापाठ गरिरहेको गोरखनाथ सेवा समितिका प्रमुख सल्लाहकार धर्मराज बरालले जानकारी दिए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]