समाज

भूत मेलामा एकदर्जन दर्शनार्थीका गहना लुटिए
SHARES

कात्तिक १, २०७५

    महोत्तरी : भूत मेलाका लागि प्रख्यात महोत्तरी जिल्लाको सोनामाई मन्दिरमा एक दर्जन दर्शनार्थीका  सुनका गहना लुटिएका छन्। जिल्लाको औरही नगरपालिका ७ मा पर्ने सोनामाई मन्दिरमा दर्शन गर्ने क्रममा बिहीबार मात्रै सातजना महिलाका गहना लुटिएको स्थानीयवासी सुरेश ठाकुरले बताए। 

    बिहीबार सोनामाई मन्दिरमा दर्शन गर्ने क्रममा औरही-७ कै शिवशंकर ठाकुरकी पत्नी उमादेवी ठाकुरको दुई तोलाको सुनको सिक्री लुटिएको छ भने सोही वडाका वडाध्यक्ष गणेश यादवकी बहिनीको पनि मंगलसुत्र लुटिएको छ। त्यस्तै आजै अन्य पाँचको गरी जम्मा सातजनाको सुनको सिक्री र मंगलसुत्र लुटिएको जनाइएको छ।त्यसैगरी सोनामाई मन्दिरमा बुधबार पनि दर्शन गर्ने क्रममा पाँचजनाको सुनका गरगहना लुटिएको स्थानीयवासी सुरेश ठाकुरले बताए। उनले नेपालीसहित केही भारतीय दर्शनार्थीको पनि सुनका गरगहना लुटिएको बताए।

    महिलाको मात्रै गलामा रहेका सुनका सिक्री र मंगलसुत्र लुटिएको छ भने यसै क्रममा मंगलसुत्र लुटिएको एक भारतीय महिला मन्दिर परिसरमै निकै रोइरहेको भेटिएको छ। देवी मन्दिरमा दर्शनका क्रममा दुई दिनमा एक दर्जन व्यक्तिको सुन लुटिएको सम्बन्धमा जिल्ला प्रहरी कार्यालय महोत्तरीका प्रमुख तथा प्रहरी उपरीक्षक ईश्वर कार्कीसँग सोध्दा उनले आफूलाई यस सम्बन्धमा कसैले केही जानकारी नगराएको बताए। 

    मन्दिरमा बिहीबार भीडभाडका बीच सातजनाको सुन लुटिएपछि ठूलो हल्लाखल्ला भएपछि सुन लुट्नेमध्येका एकजनालाई स्थानीयवासीले पक्राउ गरेका छन् भने उनको नाम गोप्य राखिनाका साथै प्रहरीको जिम्मा पनि नलगाएको स्थानीयवासी ठाकुरले आरोप लगाए। 

    दुई दिनमा एक दर्जन व्यक्तिको सुन लुटिएको सोनामाई मन्दिरमा प्रहरीको उपस्थित रहँदा पनि प्रहरीले केही गर्न नसकेको सर्वसाधारण र मेला भर्न आएका नेपाली तथा भारतीय दर्शनार्थीले गुनासो गरेका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]