रौतहट : रौतहटको चन्द्रपुर नगरपालिकाको पौराइस्थित पूर्व पश्चिम राजमार्गमा चारजना चढेको मोटरसाइकल दुर्घटना हुँदा एकजनाको ज्यान गएको छ। दुर्घटनामा चन्द्रपुर नगरपालिका १ का २२ वर्षीय शिव खड्काको उपचारको क्रममा मृत्यु भएको इलाका प्रहरी कार्यालय चन्द्रनिगाहपुरका प्रहरी नायव उपरीक्षक युवराज खडकाले जानकारी दिए।
सोमबार राति करिब १० बजे पौराइमा ना ३४ प ६४४० नम्बरको मोटरसाइकल दुर्घटना भएको थियो। एउटै मोटरसाइकलमा सवार २३ वर्षीय शक्ति थिङ,२५ वर्षीय भीमबहादुर मोक्तान र २४ वर्षीय धिरज मगरकाे अवस्था गम्भीर रहेको नायव उपरीक्षक खड्काले जानकारी दिए।
घाइते तीनैजनाको वीरगजस्थित हेल्थ केयर अस्पतालकाे आइसीयूमा उपचार भइरहेको प्रहरीले जनाएको छ।
तपाईंको ईमेल गोप्य राखिनेछ ।