काठमाडौं : नेपाल हस्तकला महासंघको आयोजनामा काठमाडौंको भृकुटीमण्डपमा हस्तकलाका सामग्रीको प्रदर्शन गरेको छ। १६ औँ हस्तकला व्यापार मेलाको रुपमा बुधबारदेखि आगामी आइतबारसम्म मेला आयोजना गरिएको छ।
नेपालमा नेपाली हस्तकलाका सामग्रीका साथै चिन र सार्कका केही राष्ट्रका हस्तकलाका सामाग्रीसमेत राखिएको छ। नेपाली कला कौशल प्रयोग गरिएका हस्ताकलाका सामग्री हेर्नको लागि अवलोकनकर्ताको बाक्लो उपस्थिति देखिएको छ। मूर्तिजन्य सामग्री हेर्नेको भीड रहेको छ भने ढाका तथा अल्लोबाट बनेका लत्ता कपडा र बाँसबाट बनेका सजावटका सामाग्री किन्नेको भिड देखिएको छ।
मेलाअवधिभर दुई लाख अवलोकनकर्ताले अवलोकन गर्ने र ५० करोड रुपैयाँ बराबरको सामान किनबेच तथा बुकिङ हुने लक्ष्य आयोजकले राखेको छ।
तपाईंको ईमेल गोप्य राखिनेछ ।