खेलकुद

प्रदेशस्तरीय ब्‍याडमिन्टन प्रतियोगिताको उपाधि मेहेता र अधिकारीलाई
SHARES

मंसिर २२, २०७५

    हेटौंडा : प्रदेशस्तरीय ब्‍याडमिन्टन प्रतियोगिता–२०७५ शनिबार हेटौँडामा सम्पन्न भएको छ। हेटौंडा–११ स्थित थानाभर्‍याङमा नवनिर्मित बहुउद्देश्यीय कभर्ड हलमा सम्पन्न भएको प्रतियोगितामा खुला पुरुषतर्फ डबल्सको उपाधि काठमाडौंका इन्द्र मेहेता र महेन्द्र ढकाल तथा भेट्रान्स पुरुष भेट्रान्सको उपाधि हेटौंडाका बुद्धि चौधरी र विष्णु अधिकारीले जितेका छन् । 
    खुलापुरुषतर्फ मेहेता र ढकालको जोडीले किरण लामा र निश्चल बस्नेत चितवनको जोडीलाई  १६–२१, २४–२२ र २१–११ तथा भेट्रान्सतर्फ चौधरी र अधिकारीको जोडीले वीरगञ्जका नरेश कायस्त र सरोजराज श्रेष्ठको जोडीलाई १७–२१, २१–१८ र २४–२२ को सेटमा पराजित गर्दै च्याम्पियन भएको हो। उपाधिसँगै विजेताले नगद ५० हजार रुपैयाँ, 
    उपविजेताले नगद ३० हजार रुपैयाँ र सेमिफाइनलमा पुग्ने जोडीले २० हजार रुपैयाँ प्राप्त गरे।  मंसिर १९ गतेबाट सुरु भएको प्रतियोगितामा विभिन्न जिल्लाका ४८ जना खेलाडी सहभागी  थिए। 
    विजेता खेलाडीलाई कभर्ड हल सञ्चालन समिति अध्यक्ष ध्रुव घिमिरे, हेटौँडा उपमहानगरपालिकाका प्रमुख हरिबहादुर महत तथा वरिष्ठ प्रहरी उपरीक्षक वसन्त लामा लगायतले पुरस्कार वितरण गरेको कार्यक्रम सञ्चालक शम्भु पुडासैनीले जानकारी दिए।
    प्रतियोगिता समापनको सन्दर्भ पारेर मकवानपुर जिल्लाकै सबैभन्दा ठूलो ब्‍याडमिन्टन कभर्डहलको उद्‍घाटन गरिएको छ। करिब ६० लाख रुपैयाँमा उक्त बहुउद्देश्यीय ब्‍याडमिन्टन कभर्ड हल तयार भएको हो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]