मनोरञ्जन

सिडियो कार्यालयमै पुगेर विष्णु माझीले भनिन् ‘मेरो व्यक्तिगत मामिलामा चासो नदिनू’
SHARES

पुस २२, २०७५

    पोखरा : अहिले नेपाली लोकदोहोरी बजारकी हिट गायिका हुन् विष्णु माझी। उनै गायिकाको स्वर नसुन्ने कमै नेपाली छन्। 

    सालको पात टपरी हुनी हे बरै, नहुनी सल्लैको, तिम्रो माया कति छ कति हे बरै, नलाउ पछि हल्लैको। बोलको गीत नेपाली लोक दोहोरी इतिहासमै सर्वाधिक चर्चा बटुलेको गीत हो। सोही गीतमा स्वर भरेकी गायिका भने गुमनाम छन्।

    केही दिनअघि उनै विष्णु माझीका बाबु आमाले आफ्नी छोरी नदेखेको वर्षाैं भएको बारे संचार माध्यममा समाचार आएसँगै उनको खोजी सुरु भएको थियो। स्याङ्जाका प्रमुख जिल्ला अधिकारीले उनको खोजी तत्काल प्रशासनले गर्नेसमेत बताएका थिए। उनै प्रमुख जिल्ला अधिकारी कोषराज निरौलाको आग्रहमा आइतबार दिउँसो विष्णु माझी, उनका श्रीमान् सुन्दरमणि अधिकारी, माझीका बाबुआमा एकै साथ जिल्ला प्रशासन कार्यालय स्याङ्जा गए। ‘विष्णु माझी, उहाँका श्रीमान् र विष्णु माझीका बाबु आमासँगै प्रशासन कार्यालयमा आउनु भएको थियो’, प्रमुख जिल्ला अधिकारी निरौलाले भने, ‘उहाँहरूसँग हामीले करिब एक घण्टा लामो कुराकानी गर्‍यौँ। उनले हामीले दिएको चासोबारे धारणा राख्नु भयो।’

    प्रजिअ निरौलाका अनुसार विष्णु माझीले आफू अहिलेकै अवस्थामा खुसी रहेको बताइन्। ‘म अहिले जस्तो अवस्थामा छु खुसी छु। हाम्रो परिवार खुसी छ,’ विष्णु माझीलाई उदृत गर्दै प्रजिअले भने, ‘यो मेरो व्यक्तिगत मामिला हो कसैले चासो नदिएकै राम्रो।’ त्यस्तै गीत गाउन एक्लै स्टुडियो छिर्ने र गाउँदा स्टुडियोको पर्दा लगाएर मात्र गाउने माझी आइतबार जिल्ला प्रशासन कार्यालय कुराकानी गर्दा भने अनुहार खुल्ला गरेरै बोलेको प्रजिअले थाहा खबरलाई जानकारी दिए।

    यद्यपि माझी कार्यालय छिर्दा भने कालो माक्स र कालो सलले मुख छोपेर पुगेकी थिइन्। 

सन्तोष अधिकारी

अधिकारी थाहाखबरको  पोखरा संवाददाता हुन्। उनी यसअघि थाहाखबरका लागि गोरखा संवाददाता थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]