राजनीति

चिकित्सा शिक्षा विधेयक पारित गर्ने तयारी, संसद अवरोध गर्ने कांग्रेसको रणनीति
SHARES

माघ ७, २०७५

    काठमाडौं : सरकारले राष्ट्रिय चिकित्सा शिक्षा विधेयक प्रतिनिधिसभाबाट पारित गर्ने तयारी गरेको छ। 

    अनशनरत डा. गोविन्द केसीसँग सरकारले गरेको सम्झौताविपरीत संसदीय समितिले पारित गरेको विधेयक सोमबार संसदबाट पारित गर्न लागिएको हो। प्रमुख प्रतिपक्षी दल नेपाली कांग्रेसका सांसदहरूको असहमतिका बाबजदुद संसद्को शिक्षा तथा स्वास्थ्य समितिले बहुमतबाट विधेयक पारित गरेको थियो। 

    सोमबार मध्याह्न १२ बजे बस्ने प्रतिनिधिसभा बैठकमा शिक्षा, विज्ञान तथा प्रविधिमन्त्री गिरिराजमणि पोखरेलले शिक्षा तथा स्वास्थ्य समितिको प्रतिवेदनसहितको राष्ट्रिय चिकित्सा शिक्षा विधेयक बैठकमा पेश गर्ने कार्यसूची छ। विधेयकमा डा. केसीका माग सबैजसो समेटिएको दाबी गरे पनि डाक्टर केसी भने सरकारले धोका दिएको भन्दै अहिले १६औँ अनशनमा छन्।

    डाक्टर केसीसँगको सम्झौता नसमेटी विधेयक पारित गर्न खोजेको भन्दै प्रमुख प्रतिपक्षी दल नेपाली कांग्रेसले भने सोमबा।को संसद बैठक अवरोध गर्ने तयारी गरेको छ। कांग्रेसले गोविन्द केसीसँगको सम्झौता कार्यान्वयनसहित गिरिजाप्रसाद कोइराला र सुशील कोइरालाको नाममा रहेको अस्पताल खारेज गर्न लागेको विषय उठाएर संसद अवरोध गर्न लागेको हो। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]