काठमाडौं : प्रहरीले विभिन्न नामका लागुऔषधसहित देशका छुट्टा-छुट्टै ठाउँबाट सात जनालाई पक्राउ गरेको छ। पक्राउ पर्नेहरूमा काठमाडौं चन्द्रागिरी नगरपालिका २ स्थित नागढुंगा चेकपोष्टबाट पर्सा बीरगंज महानगरपालिका १ का लड्डु शाह र बारा कलैया उपमहानगरपालिका ७ का २४ वर्षीय राजीव क्षेत्री खड्का रहेका छन्। उनीहरूको साथबाट प्रहरीले लागुऔषध डाइजोपाम २१ एम्पुल, फेनरागन २१ एम्पुल र नुर्फिन २१ एम्पुल बरामद गरेको छ।
त्यस्तै पर्सा बीरगंज महानगरपालिका १५ स्थित बर्मचोकबाट चितवन भरतपुर महानगरपालिका ८ बस्ने २५ वर्षीय जमिन बिक र सोही ठाउँ बस्ने ३० वर्षीय शंकर लामालाई लागुऔषध नुर्फिन १५ एम्पुल, डाइजोपाम १५ एम्पुल र फेनारगन १५ एम्पुलसहित पक्राउ गरेको प्रहरीले जनाएको छ।
यसरी नै कपिलवस्तु कृष्णनगर नगरपालिका २ लिङकगेट चेकपोष्टबाट मकवानपुर हेटौंडा बस्ने २५ वर्षीय विश्व मोक्तान लामा र दोलखा भिमेस्वर नगरपालिका ५ माटी वस्ने ३० वर्षीय दामु भुजेल र सप्तरीको सप्तरी बोदेबर्साइन नगरपालिका ५ स्थित सत्रुधन चोकबाट सिरहा लहान नगरपालिका २३ बस्ने १८ वर्षीय भरत यादवलाई लागुऔषधसहित पक्राउ परेको प्रहरीले जनाएको छ।
पक्राउ परेका बारे अनुसन्धान भइरहेको प्रहरीको भनाइ छ।
तपाईंको ईमेल गोप्य राखिनेछ ।