बागलुङ : मुस्ताङको घरपझोङ गाउँपालिका–१ मा पहिरो खस्दा कालीगण्डकी नदी थुनिएको छ। बुधबार बिहान १० बजे घरपझोङको वडा नं १ र २ को सीमानामा पर्ने छैरो भन्ने ठाउँमा पहिरो खस्दा नदिी थुनिएको हो।
नदीभन्दा माथि जमिन भासिएर आएको पहिरोका कारण नदी केही समय थुनिए बग्न थालेको जिल्ला प्रहरी कार्यालय मुस्ताङले जनाएको छ। चिरा-चिरा परेको पहाडमा सुख्खा पहिरो गएपछि माटो र रुख विरुवा झरेपछि नदी थुनिएको हो। नदीको एकापट्टीको किनारमात्रै थुनिकाले कुनै खतरा भने नरहेको प्रहरीले जनाएको छ।
प्रहरीका अनुसार नदी थुनिएको ठाउँमा नेपाल प्रहरीका प्रहरी निरीक्षक थम्मन बहादुर रजालीको नेतृत्वमा ९ जना प्रहरीको टोली र नेपाली सेना, सशस्त्र प्रहरी पुगिसकेका छन्। घटनास्थलमा पुगेका रजालीका अनुसार स्काभेटर मगाएर नदी खुलाउने कार्य भइरहेको छ। पहिरोसँगै झरेको रूख हटाएपछि नदीले माटो बगाउन थालेको छ।
तपाईंको ईमेल गोप्य राखिनेछ ।