|

सुर्खेत :  मुलुकका साता प्रदेशमध्ये कर्णाली प्रदेश प्राकृतिक विपदका हिसाबले उच्च जोखिममा रहेको बताइएको छ।

‘विपद पूर्वतयारी एवं प्रतिकार्य योजना तालीम तथा कार्यशाला’ गोष्ठीमा स्वास्थ्य तथा जनसङ्ख्या मन्त्रालयको आपतकालीन तथा विपद इकाइ,स्वास्थ्य आपत्कालीन कार्य सञ्चालन केन्द्रका प्रमुख चुडामणि भण्डारीले भूकम्पसहित अन्य प्राकृतिक विपत्मा कर्णाली उच्च जोखिम रहेको बताए।

भण्डारीले भने 'वैज्ञानिक खोज एवं भविष्यवाणीअनुसार कर्णालीसहित सुदूरपश्चिम प्रदेश भूकम्पको उच्च जोखिम यसलाई ध्यानमा राखेर तीनवटा प्रदेशको संयुक्त कार्यशाला गोष्ठी कर्णालीमै राखेका हौँ। 'केन्द्रमार्फत चलेको ‘विपत् पूर्वतयारी एवं प्रतिकार्य योजना तालीम’ २०७० बाट शुरु भई ०७५ साउन १ गतेबाट संरचना लागू भएको जानकारी दिँदै उनले भने'निजी तथा सरकारी अस्पताल, प्रतिष्ठानमा आइपर्ने विपद प्रतिकार्यमा सहयोग पुर्याउने हेतुले कर्णालीमा कार्याशाला गोष्ठी गरेका छौँ।'

उनले दाङ,नेपालगञ्ज,डडेल्धुराका लागि सामग्री उपलब्ध गर्ने र स्वास्थ्यकर्मीलाई तालीम दिने बताए। सुर्खेतमा सञ्चालित चारदिने यो तालीम पछि यसलाई व्यवहारमा लैजाने उनको भनाइ थियो। तालीमबाट अस्पतालमा पूर्वतयारी र आपत्कालीन अवस्थामा कसरी सेवा दिने भन्ने कुराको यथेष्ट जानकारी हुने अपेक्षा गरिएको छ।गोष्ठीमा सुदुरपश्चिम,कर्णाली र प्रदेश नं पाचँ का ५० चिकित्सक तथा स्वास्थ्यकर्मीको सहभागिता छ। उनीहरुबीच अस्पताल क्षेत्रमा आइपर्ने विपदबाट बच्न गर्नुपर्ने पूर्वतयारी,अपनाउनुपर्ने उपाय र प्रतिकार्य योजना निर्माणका विषयमा व्यापक छलफल भइरहेको कर्णाली स्वास्थ्य विज्ञान प्रतिष्ठानका अस्पताल निर्देशक धर्मराज गोसाईँले जानकारी दिए।

स्वास्थ्य तथा जनसङ्ख्या मन्त्रालयको आपत्कालीन तथा विपत् व्यवस्थापन एकाइ र कर्णाली स्वास्थ्य विज्ञान प्रतिष्ठान जुम्लाको संयुक्त आयोजना तथा विश्व स्वास्थ्य सङ्गठनको सहयोगमा बिहीबारदेखि अस्पताल विपत् पूर्वतयारी तथा प्रतिकार्य योजना तालीम कार्याशाला गोष्ठी राजधानी सुर्खेतमा सञ्चालन भइरहेको छ।

 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.