समाज : सुरक्षा/अपराध

विशिष्ट व्यक्तिको सुरक्षामा खटिएका २ सय ७५ सुरक्षाकर्मी फिर्ता

फागुन २, २०७५

    काठमाडौं : गृह मन्त्रालयको निर्देशनमा प्रहरी प्रधान कार्यालयले पूर्व-प्रधानमन्त्री, पूर्व-न्यायाधीश, पूर्व-मन्त्रीलगायत विशिष्टहरूको सुरक्षार्थ खटिएका १ सय १७ जना सुरक्षा गार्ड (पिएसओ) फिर्ता गरेको छ। प्रहरी प्रधान कार्यालयका अनुसार २०७४ चैतदेखि हालसम्म १ सय १७ पिएसओ र अगुवापछुवाका लागि प्रयोग भएका सवारीसाधन र चालकसमेत फिर्ता बोलाएको प्रहरी प्रधान  कार्यालयले जनाएको छ।

    पिएसओका नाममा पूर्व-गृहमन्त्रीमा खुमबहादुर खड्काको घरमा समेत तीनजना प्रहरी कर्मचारी खटिएका थिए। उनको निधन पछि पनि ती प्रहरी उनको घरद्वार सुरक्षामा खटिएका थिए। त्यस्तै, पूर्व-गृहमन्त्री जनार्दन शर्माको अगुवापछुवा र सुरक्षार्थ खटिएका नौजना प्रहरी कर्मचारीसमेत फिर्ता गरिएको छ।

    त्यस्तै, सशस्त्र प्रहरी बलले समेत २ सय बढी कर्मचारीलाई फिर्ता बोलाएको जनाएको छ। गृह मन्त्रालयका प्रवक्ता रामकृष्ण सुवेदीले नेपाल प्रहरी र सशस्त्र प्रहरी बलका गरी २ सय ७५ जना बढी कर्मचारी फिर्ता भएको बताए।  

    'पूर्व-विशिष्ट कर्मचारी र पूर्व-मन्त्रीहरूले सुरक्षार्थभन्दा सुरक्षाकर्मीहरूलाई घरायसी काममा प्रयोग गर्ने गरेको पाएपछि त्यस्ता कर्मचारी फिर्ता बोलाउन सशस्त्र बल र नेपाल प्रहरीलाई निर्देशन भएको त्यहीअनुसार फिर्ता भएका हुन,' सुवेदीले भने। गृहमन्त्री रामबहादुर थापाले सार्वजनिक गरेको ८२ बुँदे गृह सुधार योजनाअन्तर्गत पूर्व-विशिष्ट कर्मचारी र मन्त्रीका घरमा रहेका पिएसओ फिर्ता बोलाइने रहेको थियो।

    वर्षौंदेखि त्यस्ता व्यक्तिको सुरक्षा र सहयोगीको रूपमा धेरै सुरक्षाकर्मी खटाइएका छन। यसमध्ये कतिपयले घरको काम र करेसाबारीमा समेत काम लगाउने गरेका थिए।

कृष्णसिंह लोथ्याल

लोथ्याल  थाहा खबरमा ०७५ चैत १५ सम्म कार्यरत थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]