काठमाडौं : नेपाली कांग्रेसका महामन्त्री डा. शशांक कोइरालाले हिन्दु राज्यको पक्षमा पुनः वकालत गरेका छन।
कांग्रेस महामन्त्री कोइरालाले गणतन्त्र र संघीयताको विषयमा पनि जनताको धारणा बुझ्न जनमत संग्रहमा जानुपर्ने प्रस्ताव अघि सारेका थिए।
बुधबार काठमाडौंको टोखास्थित आफ्नै निवासमा होलीको अवसर पारेर आयोजना गरिएको शुभकामना आदानप्रदान कार्यक्रममा कोइरालाले धेरैजसो हिन्दु धर्मालम्बीले सांसद निर्वाचित गराएकाले पनि उनीहरूको माग अनुसार आफूले हिन्दु राज्यको पक्षमा अडान लिएको पनि स्पष्ट पारेका थिए। राज्य धर्म निरपेक्ष र सापेक्ष दुवै हुन नसक्ने उल्लेख गर्दै महामन्त्री कोइरालाले धार्मिक स्वतन्त्रतासहितको हिन्दुराष्ट्र स्थापनाका लागि जनमत संग्रह गर्न सरकारलाई आवश्यक दबाब दिन पनि सबैलाई आह्वान गरेका थिए। उनले आफ्नो पार्टी जनताले चाहेमा गणतन्त्र, संघीयता र धर्म निरपेक्षताको विषयमा जनमत संग्रहमा जान तयार रहेको पनि बताए।
फरक प्रसंगमा महामन्त्री कोइरालाले पार्टीको विभाग तत्काल गठन गर्न पनि सभापति शेरबहादुर देउवासँग दबाब दिएका थिए। उनले पार्टीलाई एकतावद्ध बनाएर लैजानुपर्ने आवश्यक्ता पनि औँल्याएका थिए।
कम्युनिस्ट एकजुट भएका बेला पार्टी भित्रको एकता नहुने हो भने आगामी निर्वाचनमा पनि कांग्रेस विजयी हुन नसक्ने महामन्त्री कोइरालाको भनाइ थियो।
महामन्त्री कोइरालाले पार्टी भित्रको एकताको पक्षमा आफूले पहल गर्दै आएको पनि स्मरण गराएका थिए।
तपाईंको ईमेल गोप्य राखिनेछ ।