खेलकुद

शहीद स्मृति फुटबल : आज पुलिस र च्यासल युथ क्लब भिड्ने
SHARES

चैत ९, २०७५

    हेटौँडा : भूगर्भ सिमेन्ट शहीद स्मृति राष्ट्रिय फुटबल प्रतियोगितामा शनिबार नेपाल पुलिस क्लब र च्यासल युथ क्लब काठमाडौं भिड्दै छन्। हेटौँडा–१० स्थित वनविज्ञन खेल मैदानमा खेल दिउँसो ३ बजे सुरु हुनेछ।

    सिजनको पहिलो तथा सर्वाधिक नगद राशी भएको खप्तड गोल्डकपको विजेता पुलिस र च्यासल युथ हेटौँडामा जारी प्रतियोगिताको पहिलो खेल खेल्न लागेका हुन्। पुलिस र च्यासल दुवै सशक्त एवं बलियो टोली हो। पुलिसका केही खेलाडी सिनियर तथा युथ–२३ को राष्ट्रिय टोलीमा रहेको कारण पुलिसले नयाँ खेलाडीलाई मौका दिने निश्चित छ।

    सफल एवं अनुभवी प्रशिक्षक राजु शाक्यको प्रशिक्षणमा रहेको च्यासल युथमा अधिकांश उदीयमान खेलाडी छन्।

    प्रतियोगितामा दश टोली सहभागी छन्। जिल्ला फुटबल संघ मकवानपुरको आयोजनामा भएको प्रतियोगिताको विजेताले नगद आठलाख रुपैयाँ र उपविजेताले नगद चारलाख रुपैयाँ प्राप्त गर्नेछ।

    प्रतियोगिताको फाइनल चैत १६ गते शनिबार हुनेछ।
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]