काठमाडौं : संवैधानिक परिषद्को बैठक आज बस्दैछ। प्रधानमन्त्री कार्यालाय सिंहदरबारमा अपरान्ह तीन बजे बस्ने बैठकमा प्रमुख निर्वाचन आयुक्त र आयुक्तको नियुक्तिका लागि सिफारिस गर्ने छ।
बैठकमा आइताबारदेखि नेतृत्वविहीन बनेको निर्वाचन आयोगमा प्रमुख आयुक्त र अन्य सदस्यहरु नियुक्तिका लागि सिफारिस हुन सक्ने राष्ट्रिय सभाका अध्यक्ष गणेश तिमिल्सिनाले जानकारी दिनुभयो। निर्वाचन आयोगका प्रमुख आयुक्त डा. अयोधिप्रसाद यादव छ वर्षे दोस्रो कार्यकाल सकेर आइतबार अवकास पाएका थिए। त्यस्तै आयुक्त इला शर्मा पनि आइतबार नै अवकास पाएकि थिइन्।
नेपालको संविधानको धारा २८४ मा संविधान बमोजिम प्रधान न्यायाधीश र संवैधानिक निकायका प्रमुख र पदाधिकारीहरूको नियुक्तिको सिफारिस गर्न प्रधानमन्त्री अध्यक्ष रहेको परिषदमा प्रधान न्यायाधीश, प्रतिनिधि सभाका सभामुख, राष्ट्रिय सभाका अध्यक्ष, प्रतिनिधि सभाका विपक्षी दलका नेता र प्रतिनिधि सभाको उपसभामुख सदस्य रहेको संवैधानिक परिषद् रहने व्यवस्था छ।
तपाईंको ईमेल गोप्य राखिनेछ ।