काठमाडौं : नेपाल दोस्रो अन्तराष्ट्रिय मैत्रिपुर्ण खेलमा घरेलु टोली कुवेतसँग पराजित भएको छ। सोमबार अवेरसम्म भएको खेलमा नेपाल १-० गोल अन्तरले पराजित भएको हो।
अल शबब स्टेडियममा कुवेतलाई जित दिलाउन युसुफ नासिरले निर्णायक गोल गरे। खेलको २९ औं मिनेटमा नासिरले पेनाल्टीमा गोल गर्दै कुवेतको जितमा निर्णायक जित दिलाए ।
पहिलो खेलमा नेपालले कुवेतसंग गोलरहित बराबरी खेलेको थियो । दोस्रो खेलमा पनि नेपाल कुवेतलाई बराबरीमा रोक्ने योजनासहित मैदान उत्रिएको थियो । तर, नेपालले दोस्रो खेलमा बलियो टोली कुवेतलाई रोक्न सकेन ।
मलेसियासंगको मैत्रीपूर्ण खेल स्थगित भएपछि नेपालले फिफा वरियतामा तीन स्थान माथिको कुवेतसंग मैत्रीपुर्ण खेल खेलेको हो।
तपाईंको ईमेल गोप्य राखिनेछ ।