काठमाडौं : २२ दिन देखि अनसनरत डाक्टर गोविन्द केसीले आइतबार अनसन तोड्ने तयारी गरेका छन्।
आइतबार बिहान सरकारी टोली र डा. केसीबीच सहमतिपत्रमा हस्ताक्षर तथा नयाँ डीन जगदीशप्रसाद अग्रवालले नियुक्त पत्र पाएपछि अनशन तोड्ने तयारी भइरहेको छ। डा. केसीको माग अनुरुप नै सरकारले डीन नियुक्त गरेपनि नयाँ डिनलाई नियुक्ति पत्र नथमाइएको र सरकारी टोली हस्ताक्षरका लागि अनशनस्थल नपुगेका कारण अनशन तोड्ने काम हुन सकेको छैन।
सरकारले नियुक्त गरेका चिकित्सा शास्त्र अध्ययन संस्थानका डीन तीर्थ खनियाँले राजीनामा दिनुपर्ने, वरिष्ठता र योग्यताका आधारमा डीन नियुक्त गर्नुपर्ने लगायतका विभिन्न माग राखेर गत २२ दिनदेखि अनशनरत केसीले सहमति पत्रमा हस्ताक्षर भएपछि मात्र अनशन तोड्ने उनका सहयोगीले जनाएका छन्।
तपाईंको ईमेल गोप्य राखिनेछ ।