विश्व

नरेन्द्र मोदीको 'वायोपिक' प्रदर्शनमा लाग्यो रोक
SHARES

चैत २७, २०७५

    लोकसभा निर्वाचनको मुखमा भारतीय प्रधानमन्त्री नरेन्द्र मोदीको नाममा निर्माण भएको फिल्म 'पीएम नरेन्द्र मोदी' लाई चुनाव आयोगले प्रदर्शनमा प्रतिबन्ध लगाएको छ।

    समाचार एजेन्सी एनएआईलाई उल्लेख गर्दै बीबीसीले चुनाव आयोगले 'पीएम नरेन्द्र मोदी', 'एनटीआर लक्ष्मी' र 'उद्यमा सिम्हम' लगायत फिल्महरूलाई प्रदर्शनमा प्रतिबन्ध लगाएको लेखेको छ।

    यी फिल्महरूको प्रदर्शनबारे चुनाव आयोगले भनेको छ 'यी फिल्महरूले निर्वाचन आचारसंहिता अनुसार मतदातालाई प्रभावित पार्ने क्षमता छ। जबसम्म निर्वाचन आचारसंहिता जारी रहन्छ तबसम्म यी फिल्म प्रदर्शनमा रोक लगाइएको छ।'

    प्रतिबिन्धित फिल्ममध्ये मोदीको नाममा बनेको फिल्म भारतमा चर्चामा रहेको छ। यो फिल्मको रिलिज मितिलाई लिएर पछिल्लो समय भारतमा व्यापक बहस भएको थियो। यो फिल्मलाई रिलिज मितिको एक दिन पहिले प्रतिबन्ध लगाइएको हो। यो फिल्मलाई भोलि अर्थात् अप्रिल ११ मा प्रदर्शन गर्ने तय गरिएको थियो।

    अब यो फिल्म भारतमा लोकसभा निर्वाचन अन्त्य भएपछि मात्रै प्रदर्शनमा आउने छ।

    यो फिल्मलाई प्रधानमन्त्री नरेन्द्र मोदीको छवि जनतामा राम्रो देखाउनका लागि निर्माण गरिएको भन्दै आलोचना भएको थियो। निर्माण पक्षले भने यी आरोप अस्वीकार गर्दै आएको थियो।

    यो फिल्मका निर्देशक उमंग कुमार हुन् भने मोदीको भूमिकामा विवेक ओबराय रहेका थिए।

    यो फिल्मको प्रदर्शनलाई लिएर विपक्षी दलहरू सुप्रिम कोर्ट गएका थिए भने राजनीतिक वृत्तमा पनि व्यापक विरोध भइरहेको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]