विश्व

श्रीलंका नरसंहारको जिम्मा आइएसले लियाे, हमला गर्नेको तस्विर सार्वजनिक
SHARES

बैशाख ११, २०७६

    श्रीलंकामा भएको श्रृङ्खलाबद्ध बम आक्रमणको जिम्मेवारी लिएको इस्लामिक स्टेट आइएस समूहले हमलामा संलग्न भएकाहरुको तस्विर सार्वजनिक गरेको छ। सार्वजनिक गरिएको तस्विरमा ८ जना आतंककारीहरु रहेका छन्। 

    जसमध्ये १ जनाको मात्रै अनुहार देखिएको छ भने अन्यले कालो कपडाले मुख छोपेका छन्। ट्वीटर मार्फत तस्विर सार्वजनिक गर्दै आइएसले ती ८ जना ब्यक्तिहरुले नै श्रीलंकामा हमला गरेको जनाएको छ। 

    श्रीलङ्कामा गत आइतबार भएका श्रृङ्खलाबद्ध बम आक्रमणमा ३ सय २१ जनाले ज्यान गुमाएका थिए। अन्य ५ सय जना घाइतेहरुको विभिन्न अस्पतालहरुमा उपचार भइरहेको छ। मृतकहरुको मंगलबार राष्ट्रिय शोकका माझ सामूहिक रुपमा अन्तिम संस्कार गरिएको थियो। आक्रमणमा संलग्न भएको आशंकामा प्रहरीले हालसम्म ४० जनालाई पक्राउ गरी अनुसन्धान गरिरहेको छ। श्रीलंकामा अन्य अप्रिय घटना हुन नदिन भन्दै कफ्र्यू लगाइएको छ।

    श्रीलङ्काली सरकारका अधिकारीहरुले कुनै अन्तर्राष्ट्रिय सञ्जालको सहयोगमा श्रृं्रखलाबद्ध विस्फोट गराईएको भन्दै स्थानीय इस्लामिस्ट समूह न्याशनल तौहिद जमातको संलग्नता रहेको बताएको छ।
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]