समाज

दाइजोको निहुँमा पतिबाट जिउँदै जलाइएकी निर्मलाको मृत्यु
SHARES

बैशाख १६, २०७६

    जनकपुरधाम : दाइजो नल्याएको रिसमा पतिले मट्टितेल खन्याएर आगो लगाइएकी निर्मला यादवको उपचारका क्रममा मृत्यु भएको छ । धनुषाको शहिददनगर नगरपालिका १ चिरैया टोलनिवासी परिवारले निर्मलालाई दाइजो ल्याउन दबाब दिएका थिए ।

    मागेजति दाइजो नल्याएको रिसमा २३ वर्षीय पति मुकेशकुमार गोइतले २१ वर्षीया निर्मलाको शरिरमा मट्टितेल खन्याएर आगो लगाइदिएका थिए । आगोले जलेर गम्भीर घाइते निर्मलाको कीर्तिपुरस्थित अस्पतालमा ज्यान गएको हो । 

    दाइजोको विवादमा पतिले आगो लगाएको १२ दिनपछि उपचारका क्रममा निर्मला यादवको यादवको काठमाडौंमा निधन भएको हो । शहिदनगर नरपालिका निवासी झरी गोइतका २३ वर्षीय छोरा मुकेशले गत वैशाख ५ गते कोठा थुनेर आगो लगाएका थिए । 

    ढोका थुनी आगो लगाएपछि चिच्याएको सुनेर छिमेकीहरुले ढोका फोडी निर्मललाको शरीरको आगो निभाएका थिए । तत्कालै निर्मलाको उद्धार गरिए पनि छाती र पेटसम्म करिब ३५ प्रतिशत भाग जलेको थियो । सुरुमा उनको जनकपुर अञ्चल अस्पतालमा उपचारपछि काठमाडौं रेफर गरिएको थियो ।

    धनुषाकै कमला नगरपालिका वडा नं. ५ लक्कड टोलकी निर्मलाको मुकेशलाई ४ लाख रुपैयाँ भन्दा बढी दाइजो दिएर बिहे गरिएको थियो । बिहेको १० महिनामै मुकेशले निर्मलालाई आगो लगाए । निर्मलाका दाजु राकेश यादवका अनुसार मागेजति दाइजो दिएर पनि ज्वाइँले बहिनीमाथि आगो लगाए ।  

    इलाका प्रहरी कार्यालय सबैलाका प्रहरी निरीक्षक चन्द्रभुषण यादवका अनुसार दाइजो दिएर विवाह भए पनि निर्मलालाई यातना दिएको खुलेको छ । निर्मलाका पति मुकेश लागूपदार्थ र मादक पदार्थको कुलतमा फसेको खुलेको छ । पत्नीलाई आगो लगाएर फरार मुकेश अझै पक्राउ परेका छैनन् । 

    माइती पक्षले छोरीको क्रुरतापूर्वक ज्यान लिने पति मुकेश गोइत, ससुरा झरी गोइत यादव र सासुमाथि कारबाही माग गर्दै जिल्ला प्रहरी कार्यालय धनुषामा जाहेरी दिएका छन् । गत वैशाखमा १२ गते घरायसी विवादमा पतिले मट्टितेल खन्याएर जलाइएकी सिरहाको कल्याणपुर  नगरपालिका निवासी २१ वर्षीया कञ्चनको भोलीपल्ट मृत्यु भएको थियो ।

गोविन्द महतो

महतो ०७६ वैशाखसम्म थाहाखबरका धनुषा संवाददाता थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]