काठमाडौं : नेपाल कम्युनिस्ट पार्टीका अध्यक्ष तथा पूर्वप्रधानमन्त्री पुष्पकमल दाहाल र सीता दाहालले सहयात्राको ५०औँ वर्षगाँठ मनाएका छन्।
अध्यक्ष प्रचण्ड र सीताले विवाह गरेको ५० वर्ष पुगेको अवसरमा बिहीबार एक समारोहका बीच वर्षगाँठ मनाएका हुन।
ललितपुरमा अध्यक्ष प्रचण्डकी छोरी तथा भरतपुर महानगरपालिकाकी प्रमुख रेणु दाहाल र स्वीकय सचिव गंगा दाहालले एक समारोह आयोजन गरेका थिए। कार्यक्रममा अध्यक्ष प्रचण्ड र सीता दुलाहा दुहली झैं सिंगारिएका थिए। उनीहरूले एक अर्कालाई माला लगाइदिएका थिए।
प्रचण्ड र सीताको ५० वर्ष पहिले विस २०२६ सालमा मागी विवाह भएको थियो। प्रचण्ड र सीता दुवैले १५ वर्षको उमेरमा विवाह गरेका थिए।
वर्षगाँठको साक्षी उपराष्ट्रपति नन्दबहादुर पुन, सभामुख कृष्णबहादुर महरा, कार्यवाहक प्रधानमन्त्री इश्वर पोखरेल, उपप्रधानमन्त्री उपेन्द्र यादव नेकपाका सचिवालय सदस्यहरू माधव नेपाल, झलनाथ खनाल, वामदेव गौतम, प्रवक्ता नारायणकाजी श्रेष्ठ, गृहमन्त्री रामबहादुर थापा, नेकपाका महासचिव विष्णु पौडेल, मन्त्रीहरू, समाजवादी पार्टीका अध्यक्ष तथा पूर्वप्रधानमन्त्री डा. बाबुराम भट्टराई, नेकपाका स्थायी कमिटी सदस्यहरू, केन्द्रीय समिटीका सदस्यहरू, पार्टी कार्यकर्ता र प्रचण्डका नातेदार लगायत बनेका थिए।
पढ्नुहोस्ः
हेर्नुहोस् फोटोः
एकअर्कालाई माला लगाइदिँदै प्रचण्ड र सीता
प्रचण्ड र सीता दाहालको वर्षगाँठ कार्यक्रममा जाँदै सरकारका प्रवक्तासमेत रहेका सूचना तथा संचार प्रविधि मन्त्री गोकुलप्रसाद बाँस्कोटा र सुरक्षा अधिकारी
प्रचण्ड र सीता दाहालको वर्षगाँठ कार्यक्रममा व्यवसायी अजेयराज सुमार्गी
पञ्चेबाजा बजाइँदै
बेहुलाझैँ सजिएका प्रचण्ड
बेहुलीझैँ सजिएकी सीता दाहाल
प्रचण्ड र सीता दाहाल
बधाई ग्रहण गर्दै प्रचण्ड र सीता
प्रचण्ड र सीता दाहालको ५०औँ वर्षगाँठमा नाचगान गर्दै
तपाईंको ईमेल गोप्य राखिनेछ ।