अर्थ

दाङको घोराहीमा आर्यतारा सेक्युरिटिजको दोस्रो शाखा
SHARES

बैशाख ३०, २०७६

    काठमाडौं : आर्यतार इन्भेष्टमेण्ट एण्ड सेक्युरिटिजले दाङको घोराहीस्थित न्यूरोडमा दोस्रो शाखा सञ्चालनमा ल्याएको छ । स्टक ब्रोकर ५७ ले दाङका सर्वसाधारणलाई दोस्रो बजारमा सहभागी गराउने लक्ष्यसहित शाखा बिस्तार गरिएको जनाएको छ । 

    शाखा बिस्तार भएसँगै बजारमा लगानीकर्ताको संख्या समेत बढ्ने विश्वास आर्यताराले लिएको छ । एक कार्यक्रमका बिच घोराही उद्योग वाणिज्य संघका अध्यक्ष नारायण भुसाल र आर्यतारा इन्भेष्टमेण्ट एण्ड सेक्युरिटिजका अध्यक्ष भरतप्रसाद नेपालले नयाँ शाखाको संयुक्त रुपमा उद्घाटन गरेका हुन् । 

    शाखाको उद्घाटन गर्दै उद्योग वाणिज्य संघका अध्यक्ष भुसालले मुलुकभरीका सर्वसाधारणले दोस्रो बजारबाट शेयर कारोबार गर्न नसकिरहेको अवस्थामा दाङमा सेवा सुरु गरेको भन्दै आर्यतारा सेक्युरिटिजलाई बधाई तथा धन्यवाद दिएका थिए । उनले सहज रुपमा आम लगानीकर्ताले शेयर कारोबार गर्न सक्ने व्यवस्था मिलाउन आर्यतारालाई सुझाव पनि दिए ।  

    शाखा बिस्तार गर्दै आर्यतारा इन्भेष्टमेण्ट एण्ड सेक्युरिटिजका प्रबन्ध निर्देशक गुणनिधी भुसालले राजधानी केन्द्रित लगानीकर्ताले सरह घोराहीका लगानीकर्ताले पनि उत्कृष्ट सेवा पाउने गरी व्यवस्था मिलाइएको बताए ।  

    कार्यक्रममा सहभागी सर्वसाधारणलाई भुसालले भने, “आज सानो सानो रकमको शेयर किनेर पनि भोलि ठूलो पूँजी निर्माण गर्न सकिन्छ । कसरी शेयर किन्ने अनि बेच्ने भन्ने विषय सानो सानो कारोबार गरेर जानिन्छ । त्यसैले आजैबाट सानो रकमको भए पनि शेयर कारोबार गर्न थाल्नुहोस् । हामी सहज रुपमा उत्कृष्ट सेवा दिनेछौं ।”

    बजार बिस्तारमा जोड दिएका भुसालले लगानीकर्ता सचेतनाका लागि दाङमा आर्यताराले सहयोगी भूमिका निर्वाह गर्ने प्रतिबद्धता समेत जनाए । 

    घोराही नगरपालिका वडा नम्बर १४ का वडाअध्यक्ष शक्तिबहादुर डाँगी तथा सक्रिय लगानीकर्ता रमेश केसीले उत्कृष्ट सेवा पाउनेमा आफुहरु विस्वस्त रहेको बताएका थिए । 

    देशव्यापी रुपमा स्टक ब्रोकरको सेवा बिस्तार हुन नसकिरहेको अवस्थामा ग्रामिण भेगका सर्वसाधारणलाई समेत दोस्रो बजारमा सहभागि गराउँदै बजार बिस्तार गर्ने लक्ष्य आर्यताराले लिएको छ । यस अघि नै आर्यताराले बुटवलमा पहिलो शाखा सञ्चालनमा ल्याई सकेको छ । 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]