विश्व

उडिरहेका दुई जहाज आकाशमै जुधे, कम्तिमा ५ यात्रुको मृत्यु
SHARES

बैशाख ३१, २०७६

    अलास्का : यहाँको आकाशमा दुई जहाज जुधेका छन्। हावामा दुई जहाज ठोक्किँदा कम्तिमा पनि ५ जना यात्रुको ज्यान गएको छ। यो घटनामा १० जना अन्य घाइते भएका छन्।

    घटनापछि एकजना बेपत्ता छन्। दुई जहाज सि प्लेन (पानीमा उत्रिन सक्षम) थिए। दुवैमा रोयल प्रिन्सेस क्रुजका यात्रु सवार थिए। यहाँ घुम्न आएका उनीहरुलाई हवाई सयर गराउने क्रममा दुर्घटना भएको हो।

    अमेरिकन स‌ंघीय नागरिक प्रशासनका अनुसार कुन केव इलाका नजिकै द हेविल्यान्ड डिएचसी-२ बिवर र द हेविल्यान्ड अटर डिसी-३ विमान ठोक्किएका हुन्। दुर्घटनाको कारण खुलेको छैन। बिवरमा ५ र अटरमा ११ जना सवार थिए। बिवरमा सवार सबै यात्रुको ज्यान गएको थियो।

    एटीसीको सम्पर्क बाहिर

    एफएएका अनुसार दुर्घटनका बेला दुवै जहाज एयर ट्राफिक कन्ट्रोल (एटीसी) को सम्पर्कमा थिएनन्। नेशनल ट्रान्सपोर्टेशन सेफ्टी बोर्डले यसको जाँच थालेको छ।

    प्रिन्सेस क्रुजका तर्फबाट निकालिएको विज्ञप्तिमा घाइते १० यात्रुलाई उपचारका लागि अस्पताल लगिएको छ। समाचार अनुसार यो दुर्घटनका बेला बाक्लो बादल लागेको थियो। बादलसँगै प्रतिघण्टा १४ किमि प्रतिघण्टाको गतिमा हावा चलिरहेको थियो।

    क्रुजका अधिकारीले यो घटनाबाट आफूहरु स्तब्ध भएको बताएका छन्। घाइतेहकरुको उपचारमा कम्पनीले सहयोग गर्ने भएको छ।  रोयल प्रिन्सेस शनिवार भ्यान्कुबरबाट हिँडेको थियो। यो १८ मे भित्र एङ्कोरेज पुग्नुपर्ने थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]