काठमाडौं : एसिया कप टि-ट्वेन्टी व्हिलचेयर क्रिकेट प्रतियोगितामा नेपाल बंगलादेशसँग पनि पराजित भएको छ। कीर्तिपुर क्रिकेट मैदानमा नेपाल बंगलादेशसँग ८ विकेटले पराजित भएको हो।
नेपाल पहिलो खेलमा भारतसँग ६ विकेटले पराजित भएको थियो। आज टस हारेर पहिले ब्याटिङ गरेको नेपाल १९ ओभर १ बलमा १ सय ४८ रन बनाउँदै अलआउट भयो। नेपालका लागि होमनाथ राईले ३६ रन बनाउँदा कप्तान दिगमसिं चेम्जोङले ३५ रनको योगदान गरे।
विष्णु पुकारले १६ रन जोडे । बंगलादेशले १ सय ४९ रनको विजयी लक्ष्य १८ ओभर ४ बलमा २ विकेट खर्चेर भेट्ठायो। नेपालले शुक्रबार पाकिस्तानसँग खेल्नेछ।
प्रतियोगितामा पहिलो जित दर्ता गरेको बंगलादेश अघिल्लो खेलमा पाकिस्तानसँग ८ विकेटले पराजित भएको थियो।
तपाईंको ईमेल गोप्य राखिनेछ ।