समाज

उदयपुरका पत्रकारको स्पष्टिकरण : नगरपालिकाको ल्याप्टपले समाचार ‘किल’ गर्दैन
SHARES

जेठ २७, २०७६

    उदयपुर : उदयपुरका पत्रकारहरुले समाचार किल नगर्ने शर्तमा ल्यापटप लिएको एक प्रेस बताएका छन। सोमबार पुर्व प्रेस चौतारी र प्रेस सन्टर र प्रेस युनियन  उदयपुरले संयुक्त विज्ञप्ति जारी गर्दै यस्तो बताएका हुन। 

    विज्ञप्तिमा भनिएको छ, ‘खबरदारी गर्नुपर्ने पत्रकारलाई नगरपालिकाले प्रभावमा पार्न खोजेको र आचार संहिता उल्लघंन गर्दै ल्यापटप लिएको होइन’,, प्रेस चौतारी उदयपुरका अध्यक्ष गणेश उप्रेती, प्रेस युनियनका अध्यक्ष पशुराम थापा र प्रेस सेन्टर उदयपुरका अध्यक्ष तुलसी प्रसाद कोइरालाद्वारा हस्ताक्षरित विज्ञप्तिमा भनिएको छ, ‘प्रेस काउन्सिलले बाँड्ने प्रविधिगत सुविधाबारेमा पत्रकारसाथीहरु जानकार छैनन? त्यस्तो सुविधा उपभोग गर्ने सबै सरकारका ल्यापडग भएका छन त? लोककल्याणकारी विज्ञापन प्राप्त गर्नेहरु सबै ल्यापडग हुन त?’ 

    गएको वैशाख त्रियुगा नगरपालिकाले पत्रकारलाई प्रविधि हस्तान्तरण कार्यक्रम मार्फत ल्यापटप वितरण गरेको थियो । जुन पत्रकारले ल्यपटप लिए भन्ने समाचार विभिन्न अनलाइनहरुमा जेठ महिनाको अन्तिम सातामा प्रशासन प्रशारण भएपछि सामाजिक सञ्जालमा विभिन्न टिक्काटिप्पणी भएको थियो। 

    त्यसैको जवाफ दिँदै सार्वजानिक गरिएको विज्ञप्तिमा भनिएको छ, ‘आचारसंहिताको दफा ५ को उप दफा १३ अनुसार ‘पत्रकार तथा सञ्चारमाध्यमले पेशागत मर्यादा तथा दायित्वमा प्रतिकुल प्रभाव पार्ने गरी कुनै पनि सरकारी, गैरसरकारी निकाय, व्यापारिक, प्रतिष्ठान, संघसँस्था, वा व्यत्तिगतबाट कुनै पनि प्रकारका पुरस्कार, उपहार, वा सम्मान, वा पिशेष सुविधा लिनु हुँदैन।’

    यो कुरा सबैले मान्नै पर्ने बताउँदै तयसमा अडिग रहेको बताएका छन्। ‘हामी सबै यसैमा अडिग छौं। बजेटमै व्यवस्था गरी क्रमागत कार्यक्रम अन्तर्गत व्यवस्थित गरिएका कार्यक्रमहरुलाई यस्तो श्रेणीमा राख्न सकिन्छ?’, विज्ञपत्मिा भनिएको छ, ‘त्यस्तो हो भने पत्रकार महासंघले पाउने अनुदान, सञ्चार संस्थाहरुले सँचार उपकरण, कागतलगायतका सामग्री आयात गर्दा पाउने छुट पाउने जति सबै ल्यापडगै हुने भए होइन र?

    यसैगरी विज्ञप्तिमै हिमाल आरोहण, विदेश भ्रमण, कार्यक्रममा लिइने चन्दा सहयोग, कार्यक्रममा बाँडिने प्रायोजकका सामग्रीलगायतमाथ उनीहरुले प्रश्न उठाएका छन्। 
    ‘उपहार वा दान वा सम्मान वा समाचार किल गर्ने सर्तमा लिइएको चिज? मोफसलको पीडा नबुझ्ने गरी दुई महिना अघिको बासी समाचारलाई अहिले उठान गर्नुपछिको नियत के? विभिन्न राष्ट्रिय तथा अन्तर्राष्ट्रिय सरकारी तथा गैरसरकारी संस्थाहरुको गुणगान गाउँदै भत्ता पचाउन हिड्ने पत्रकारलाई चैं के भन्ने ?’, विज्ञप्तिमा अगाडि भनेका छन्, ‘प्रश्न धेरै छन्। मै हुँ भन्ने पत्रकारहरु एजेन्सी चलाएर जिल्ला जिल्लामा भिडियो डकुमेन्ट्री निर्माण गर्न हिड्दा चैं पत्रकार आचारसंहिता उल्लघंन हुने कि नहुने?’ 

    अरुलाई यस्ता प्रश्न 

    उदयपुरमा मात्रै होइन देशै भरीका पालिका, महानगरहरुमा पत्रकारिता क्षेत्रको महत्व बुझेर पत्रकारिताको विकास र प्रवद्र्धनका लागि बजेट छुट्याउने गरिएको छ। उदयपुरको त्रियुगा नगरपालिकाले २०५४ सालदेखिनैं विभिन्न शीर्षकमा पत्रकारिताको विकासको लागि बजेट छु्ट्याउने चलनको निरन्तरता मात्रै हो यो। 

    गत आर्थिक वर्षमै पत्रकारिता क्षेत्रको विकास र प्रवद्र्धनका लागि २४ लाख रुपैया विनियोजित बजेट कार्यविधिको अभाव र व्यवहारिक कार्यान्वयनमा देखिएको कठिनाइका कारण त्यतिकै फ्रिज हुन पुगेको थियो। र, यस आर्थिक वर्षमा भवन निर्माणको लागि करिब १२ लाख र प्रविधि हस्तान्तरण कार्यक्रम अन्तर्गत ल्यापटप वितरण गर्ने गरी १२ लाख रुपैया बजेट पुनः विनियोजन गरेको थियो। 

    पारदर्शी रुपमैं बजेटको व्यवस्था गरेर पत्रकारहरुले प्राप्त गरेको ल्यापटपलाई कसरी गलत ढंगले लिन सकिन्छ र? त्यसो भए अर्को एक प्रश्न पनि उठाउन सकिन्छ के त्यसो भए पत्रकारले धम्साएर लिएको भए वा टेवुलमुनिबाट लिएको भए वा समाचार किल गर्ने सर्तमा लिएको  चलन चैं उत्तम हो त? विज्ञप्तिमा प्रश्न समेत गरिएको छ। उदयपुरको त्रियुगा नगरपालिकाले २७ जना क्रियाशिल पत्रकारलाई ‘प्रविधि हस्तान्तरण’ भन्दै ल्यापटप वितरण गरेको थियो। 

    एक कार्यक्रमकाबीच मेयर बलदेव चौधरीले पत्रकारलाई ल्यापटप हस्तान्तरण गरेको एक महिनापछि पत्रकारलाई ल्यापटप उपहार भन्ने समाचार प्रकाशित प्रशारण भएको थियो। 

    उक्त ल्यापटपको मूल्य ४२ हजार ५ सय रुपैयाँ रहेको छ। प्रविधि हस्तान्तरण कार्यक्रम अन्तर्गत नगरपालिकाले १२ लाख रुपैयाँ चालु आर्थिक वर्षका लागि विनियोजन गरेको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]