खेलकुद

फुटबलमा यस्तो पनि! टिम ११ जनाको तर गोल खाए १३
SHARES

महिला विश्वकप फुटबल

जेठ २९, २०७६

    एजेन्सी : फ्रान्समा जारी महिला विश्वकपमा बलिया र कमजोर दुई टिमको भिडन्तमा अहिलेसम्मकै सबैभन्दा फराकिलो नतिजा निस्किएको छ । अमेरिकाले महिला विश्वकप फुटबलको इतिहासमै सबै फन्दा धेरै गोलसहितको जित निकालेको छ ।

    गएराति भएको भिडन्तमा सन् २०१५ को विश्वविजेता अमेरिकाले एसियाली मुलुक थाइल्याण्डविरूद्ध १३-० को अत्यन्तै फराकिलो जित निकालेको हो।

    यो जितका क्रममा अमेरिकाले पहिलो हाफमा ३ दोस्रो हाफमा १० गोल गर्यो। अमेरिकाको लागि एलेक्स मोर्गन एक्लैले ५ गोल गरिन्। उनले खेलका क्रममा पहिलो हाफमा २ र दोस्रो हाफमा ३ गोल गरिन्। मोर्गनले १२, ५३, ७४, ८१ र ८७ औँ मिनेटमा जाली चुमाएकी थिइन् । 

     अमेरिकालाई जिताउने क्रममा सामन्था मेभिस र रोज लावेलीको नाममा २/२ गोल रह्यो। रोजले २० र ५६ औँ गोल गरिन्। सामन्थाले ५० र ५४ औँ मिनेटमा गोल गरेको थिइन्।

    अमेरिकाका लागि फराकिलो जितको कीर्तिमान राख्ने क्रममा लिन्डसी होरनले ३२, मेगन रापिनोइले ७९, मालोरी पुग्घले ८४ र कार्ली लोयडले अतिरिक्त समयको दोस्रो मिनेटमा गोल गरे।

    थाइल्यान्डविरूद्ध फराकिलो जित निकालेको अमेरिकाले सन् १९९१ को विश्ववकपमा चाइनिज ताइपेइविरूद्ध ७-० को जित निकालेको थियो। सन् २००७ को विश्वकपमा जर्मनीले अर्जेन्टिनाविरूद्ध ७-० कै नतिजा दर्ता गरेको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]