काठमाडौं : काठमाडौं महानगरपालिकाले आजदेखि निजी क्षेत्रसँगको सहकार्यमा काडमाडौंको न्युरोड आसपासका पाँच ठाउँमा स्मार्ट पार्किङ सेवा शुरु गर्ने भएको छ।
ह्विल्स ट्रली योर्स प्रालिसँगको सहकार्यमा न्युरोडको रामेश्वर मिठाई पछाडिको भाग, विशालबजार अगाडि इन्द्रचोक जाने सडक, धर्मपथ, पाको र आरबी कम्प्लेक्स अगाडिको स्थानमा स्मार्ट पार्किङको व्यवस्था गर्न लागेको हो।
पार्किङको महानगरका मेयर विद्यासुन्दर शाक्यले उद्घाटन गर्ने कार्यक्रम छ। स्मार्ट पार्किङ मार्ट, पार्किङ स्टेशनमा एकपटकमा झण्डै ८ सय मोटरसाइकल र ४० वटा गाडी पार्किङ गर्न सकिने बताइएको छ। उपभोक्ताले मोवाइलबाटै रियल टाइममा कुन ठाउँ खाली छ भनेर हेर्न र पार्किङ गर्ने ठाउँ बुकिङ गर्न सक्नेछन्।
तपाईंको ईमेल गोप्य राखिनेछ ।