काठमाडौं : सत्तारूढ नेकपाकी सांसद तीर्था गौतमले मान्छे मार्ने काम बन्द गर्न सरकारसँग आग्रह गरेकी छन्।
संसदीय समितिको राज्य व्यवस्था तथा सुशासन समितिकी सदस्यसमेत रहेकी सांसद गौतमले बैठकमै भक्कानिँदै यसो भनेकी हुन्।
‘आज नेपालीको छोरो मरेको छ, यसरी मार्नु ठीक होइन, संवादबाट समस्या समाधन गर्नुपर्छ', भक्कानिँदै उनले भनिन्, '१० वर्षे 'जनयुद्ध'को घाउ आलै छ, देश पूर्णरूपमा शान्त बनेको छैन।’
गौतमले बेपत्ताहरुको खोजीनिति अझै नभएको बताइन्। ‘सत्यनिरूपण तथा बेपत्ताको छानबिन भएको छैन', उनले भनिन्, 'सानो झिल्कोले ठूलो रूप लिन सक्छ।’
उनले गाेलीबाट हैन संवादबाट निकास दिन आग्रह गरिन्। गौतमका पति यदु गौतमलाई तत्कालीन नेकपा एमालेका रुकुम सचिव तथा प्रतिनिधिसभाका सदस्य रहेकै बेला माओवादी विद्राेहीले २०५५ साल फागुन २१ गते अपहरणपछि हत्या गरेका थिए।
भिडियो
तपाईंको ईमेल गोप्य राखिनेछ ।