समाज

घरबाटै एसइई दिएकी करिश्मा पास भइन्
SHARES

उच्च शिक्षा लिने सपना

असार १३, २०७६

    बैतडी : घरबाटै माध्यमिक शिक्षा परीक्षा (एसइई) दिएकी बैतडीकी करिश्मा बोहराले  ‘सी प्लस’ ल्याएकी  छन् ।  

    बिहीवार सार्वजनिक नतिजाअनुसार करिश्माले २.१५ जीपीए प्राप्त गरेकी शिक्षा विकास तथा समन्वय इकाई बैतडीका प्रमुख नरेन्द्र अवस्थीले जानकारी दिए।

    दशरथचन्द नगरपालिका-२ देहीमाडौंकी करिश्मा शारीरिक अपाङ्गता भएकाले घरबाटै परीक्षा दिएकी हुन् । दशरथचन्द नगरपालिका-२ स्थित निंङगलाशैनी मावि देहीमाण्डौकी परीक्षार्थी करिश्माको परीक्षा केन्द्र दशरथचन्द नगरपालिका-१ मणीलेक मावि गुरुखोला केन्द्र  थियो । 

    ‘शारीरिक अपाङ्गता भइ हिँडडुल गर्न नसक्ने उनी ह्वीलचेयर चलाउन सक्दिनन्। त्यसैल उनका लागि घरमै परीक्षा दिने व्यवस्था मिलाएका हौँ’, अवस्थीले भने, ‘अपांगमैत्री बाटो नहुँदा शिक्षा विकास तथा समन्वय इकाईले घरमै परीक्षा दिने व्यवस्था मिलाएको हो।’  

    एसइईपछि राम्रो बिषय लिएर उच्च शिक्षा पढ्ने सोच रहको करिश्माले बताइन्। उनले भनिन्, ‘घरपरिवारको सरसल्लाह बमोजिम पढाई अगाडि बढाउँछु।’

    एसइई घरबाटै दिने परिक्षार्थी पनि करिश्मा पहिलो भएकी समन्वय इकाई बैतडीका प्रमुख अवस्थीले बताए। एसइई परीक्षाका लागि एकजना निरीक्षक र एकजना सुरक्षाकर्मीको व्यवस्था करिश्माको घरमै गरिएको थियो । 

विनोद सिंह विष्ट

विष्ट थाहा खबरका बैतडी समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]