समाज

यती एयरको जहाज त्रिभुवन विमानस्थलको धावन मार्गबाट चिप्लियो
SHARES

दुईजना यात्रु घाइते

असार २७, २०७६

    काठमाडौं : नेपालगन्जबाट आएको यति एयरलाइन्सको जहाज त्रिभुवन विमानस्थलस्थित धावनमार्गमा चिप्लिएको छ। बिहान १० बजेर १५ मिनेटमा नेपालगन्ज एयरपोर्टबाट उडेको जहाज त्रिभुवन विमानस्थलको धावनमार्गमा चिप्लिएको होl 

    धावनमार्गबाट चिप्लिएको जहाजलाई अहिले निकाल्ने काम भइरहेको नागरिक उड्ययन प्राधिकरण त्रिभुवन विमानस्थल कार्यालयले जानकारी दिएको छ। धावनमार्गबाट यतिको जहाज चिप्लिँदा दुईजना यात्रु घाइते भएका छन्। जहाज चिप्लिएपछि अहिले उडान सबै बन्द भएको छ।

    नेपालगन्जबाट ७० जना यात्रुसहित आएको यतिको एटीआर विमान धावनमार्गबाट चिप्लिएको हो। विमानस्थलका सूचना अधिकारी तेजबहादुर पाैड्यालका अनुसार घाइतेसहितका सबै यात्रुलाई उद्धार गरिसकिएको छ । 

    'ठुलो दुर्घटना होइन, लगातारकाे बर्षातले गर्दा विमान रनवेबाट स्लिप खाएको अनुमान हामीले गरेका छौँ। अहिले रनवेबाट विमान निकाल्ने प्रयास भइरहेको छ', पौड्यालले भने, 'सामान्य घाइते भएका दुवैजनालाई उपचारका लागि काठमाडौं मेडिकल कलेज लगिएको छ। उनीहरुको अवस्था समान्य छ।'

    विमान रनवेमै भएकाले अहिले विमानस्थल बन्द रहेको पौड्यालले बताए । 'अहिले विमानस्थल बन्द भएको छ', उनले भने, 'विमान हटाउनेबित्तिकै उडान सुचारु हुन्छ।'

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]