समाज

महाकालीमा पानीको बहाव बढ्यो, पुलमा चार पाङ्ग्रे सवारीलाई रोक

साउन २१, २०७६

    कञ्चनपुर : सीमानदी महाकालीमा पानीको बहाव बढेपछि विहानैदेखि नेपाल–भारत जोडने वनवसा पुलमा चार पाङ्ग्रे सवारी साधान सञ्चालनमा रोक लगाइएको छ ।

    आपतकालीन सञ्चालन केन्द्र महेन्द्रनगरका अनुसार महाकालीमा पानीको बहाव एक लाख १३ हजार क्यूसेक पुगेको छ । पुलमा एक लाख क्यूसेक पानीको बहाव पुगेपछि सवारी साधनमा रोक लाग्दै आएको छ ।

    बिहानैदेखि नदीमा पानीको बहाव उच्च भएपछि पुल खुल्न नसकिएको आपतकालीन सञ्चालन केन्द्रका जनकराज पन्तले बताए । पुल नखुल्दा यात्रुका सवारी साधन पुल वारी र पारी लाम लागेर बसेका 

    छन। पैदल यात्रु, साइकल र मोटरसाइकल सवारका लागि भने पुल खुला रहेको छ । यसैगरी केन्द्रका अनुसार महाकालीको बहाव दार्चुलाको दतुमा ४ दशमवलव ५० मिटर र डडेल्धुराको परिगाँउमा ४ दशमलव ६२ मिटर छ ।

    महेन्द्रनगरका केही बस्ती डुबानमा, पानी घटदै 

    बिहान परेको मुसलधारे बर्षाका कारण महेन्द्रनगर बजार क्षेत्रका केही बस्ती डुवानमा परेका छन्। पानी घर भित्र पसेको थियो। पानी पर्न छाडेपछि पानी घट्दै गएको छ ।

    जिल्ला प्रहरी कार्यालय कञ्चनपुरका अनुसार उल्टाखाम, खोल्टी, जिमुवा र भुजेला क्षेत्र, जानकीटोल र सालघारीको सुकुम्बासी बस्ती नालामा भरिएको पानीको निकास नहँुदा डुबानमा परेका थिए ।

    महेन्द्रनगर क्षेत्रकै एक व्यवसायीको पोल्ट्री फार्ममा पानी पस्दा केही कुखुरा मरेका प्रहरीले जनाएको छ । डुबानका कारण मानवीय तथा भौतिक क्षति भएको खबर अहिलेसम्म नपाइएको प्रहरीले जनाएको छ । 

राजेन्द्र पनेरु

पनेरु थाहा खबरका कञ्चनपुर समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]