काठमाडौं : सत्तारुढ दल नेपाल कम्युनिष्ट पार्टी (नेकपा) को सचिवालयको बैठक पार्टी कार्यालय धुम्बाराहीमा बसेको छ।
पार्टीका एकजना अध्यक्ष पुष्पकमल दाहाल प्रचण्डको अध्यक्षतामा पहिलो पटक सचिवालय बैठक बसेको हो। पार्टी विधानमा दुई अध्यक्ष रहने व्यवस्था भएपनि यसअघिसम्म अर्का अध्यक्ष केपी शर्मा ओलीले बैठकको नेतृत्व गरिरहेका थिए।
पार्टी एकीकरण भएको करिब डेढ वर्षपछि प्रचण्डको अध्यक्षतामा पहिलो बैठक बसेको हो । अध्यक्ष ओली उपचारका लागि लामो समय सिंगापुर बस्नुपर्ने भएपछि नेकपा सचिवालयले प्रचण्डको अध्यक्षतामा बैठक अघि बढाउने निर्णय गरेको थियो।
बैठक पार्टी केन्द्रीय कार्यालय धुम्बाराहीमा बसिरहेको छ। बैठकमा पार्टीको महानगरका अध्यक्ष र सचिव, प्रवास कमिटी, ज्येष्ठ कम्युनिष्ट मञ्च र सल्लाहकार कमिटी गठनबारे छलफल हुने बताइएको छ।
बैठकमा वरिष्ठ नेताद्वय झलनाथ खनाल र माधवकुमार नेपाल, उपाध्यक्ष वामदेव गौतम, महासचिव विष्णु पौडेल सचिवालय सदस्यहरू रामबहादुर थापा र ईश्वर पोखरेललगायत सहभागी छन्।
तपाईंको ईमेल गोप्य राखिनेछ ।