दाङ : दाङमा संविधानको विरोध गर्ने ६ जनालाई प्रहरीले पक्राउ गरेको छ। लमहीमा कालो पट्टी बाँधेर प्रदर्शन गर्ने ६ जनालाई प्रहरीले पक्राउ गरेको वडा प्रहरी कार्यालय लमहीका प्रमुख प्रज्वल थपलियाले बताए।
पक्राउ पर्नेमा लमही नगरपालिका ४ निवासी क्षेत्रपाल चौधरी, राप्ती गाउँपालिका ५ का बामदेव चौधरी, लमही ८ सतबरियाका प्रकाश कुमार चौधरी, लमही नगरपालिका ५ निवासी एकराज चौधरी, लमही ३ बनगाउँका भरत चौधरी र लमही ७ निवासी किशोर कुमार घर्तीमगर रहेका छन्।
पक्राउ पर्ने सबैजना संघीय समाजवादीका कार्यकर्ता र थरूहट थारूवान संघर्ष समितिका पदाधिकारी भएको प्रहरीले जनाएको छ। संविधान दिवसको अवरमा खुसीयाली मनाउनको साटो विरोध गरेको भन्दै पक्राउ गरिएको प्रहरीले जानकारी दिएको छ।
तपाईंको ईमेल गोप्य राखिनेछ ।