फिचर : फोटो फिचर

कोसेलीका लागि रोजाइको राँके (फोटो फिचर)
SHARES

असोज ४, २०७६

    ताप्लेजुङ : लहरै मिलाएर राखिएको बट्टाहरुमा रातै अकबरे खुर्सानी। डल्ला पारेर प्लाष्टिकमा हालेर लहरै राखिएको घिउ, दाल, ललिपप र अर्गानिक चियाको चिटिक्क परेका पोका। यो दृश्य मेचीराजमार्ग अन्तर्गतको पाँचथर र इलामको सिमाना राँके बजारको हो। 

    यस सडक हुँदै जाने जुनसुकै यात्रुुवाहक सवारी साधन होस् वा निजी, त्यहाँ एकैछिन भए पनि रोकिएकै हुन्छन्। राँके बजारमा कृषि उपजको मात्रै कारोबार हुुन्छ। किसानहरुले उत्पादन गरेका कृषि उपजको व्यापारले नै यो बजारको छुट्टै पहिचान बनेको छ। 

    बजारमा यात्रुहरुले कोसेलीको रुपमा कृषि उपज खरिद गरेर लैजाने गरेका छन्। यहाँ राखिएका खुर्सानी, घिउ, छुर्पीजस्ता सामानहरु खरिद गर्ने भएकाले दैनिक २० हजार रुपैयाँभन्दा बढी आम्दानी हुने गरेको व्यापारी राजकुमार नेम्बाङले जानकारी दिए।

    राँके बजार अकबरे खुर्सानी, गाईको घिउ, अर्गानिक चिया र छुर्पीका लागि प्रसिद्ध छ। मेची राजमार्ग हुँदै ताप्लेजुङसम्म यात्रा गर्ने यात्रुहरुले फर्कंदा कोसेलीको रुपमा खरिद गरेर लैजाने भएकाले यहाँको व्यापार फस्टाइरहेको छ। खासगरी दुई सिजनमा यहाँको व्यापार फस्टाउने गरेको नेम्बाङले बताए। 

    ताप्लेजुङको पाथीभराको दर्शनका लागि आउने धार्मिक पर्यटकहरुले फर्कंदा कोसेलीको रुपमा यो बजारबाट कृषि उपज खरिद गर्दछन्। विशेष गरी फागुनदेखि जेठसम्म र कात्तिक, मंसिरमा महिनामा व्यापार राम्रो फष्टाउने गरेको छ।

वसन्त लिम्बू

लिम्बू थाहा खबरका ताप्लेजुङ समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]