मनोरञ्जन

बलिउड अभिनेता ओम पुरीको निधन
SHARES

पुस २२, २०७३

    बलिउड अभिनेता ओम पुरीको ६६ वर्षको उमेरमा निधन भएको छ। मुम्बईस्थित घरमा हृदयाघात भएर उनको निधन भएको बीबीसीले जनाएको छ। 

    १८ अक्टुबर १९५० मा हरियाणाको अम्बालामा जन्मिएका ओम पुरीले प्रारम्भिक शिक्षा ननिहाल पञ्जाबको पटियालाबाट पूरा गरेका थिए। सन् १९७६ मा पुणे फिल्मी संस्थानबाट प्रशिक्षण सकेका उनले डेढ वर्षसम्म अभिनयसम्बन्धी प्रशिक्षण दिए। पछि ‘मजमा’ नामक थिएटर खोली नाट्यकर्ममा संलग्न भए। 

    सन् १९७६ मा मराठी फिल्म 'घासीराम कोतवाल' बाट पुरीले  फिल्मी करियर शुरु गरेका थिए। १९८० मा बनेको ‘आक्रोश’ लाई उनको पहिलो सफल फिल्म मानिन्छ।  सयौं भारतीय चलचित्रमा अभिनय गरेका उनले ‘आरोहण’ र ‘अर्धसत्य’का लागि सर्वश्रेष्ठ अभिनेताको राष्ट्रिय पुरस्कार पाएका छन्। 

    बलिउडका साथै पाकिस्तानी, ब्रिटिश र हलिउडका चलचित्रमा समेत अभिनय गरेका पुरीले अभिनयका साथै पृथक आवाजका कारण पनि पृथक पहिचान बनाएका थिए। सन् १९९३ मा नन्दिता पुरीसँग विवाह गरेका उनीहरु सन् २०१३ मा उनीहरू छुट्टिए ।

    ओम र नन्दिताका इशान नामका एक छोरा छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]